Home Enseñanza Curso skirbi storia na Biblioteca Nacional

Curso skirbi storia na Biblioteca Nacional

4
0
SHARE
- Advertisement -

ORANJESTAD(AAN)— Biblioteca Nacional Aruba ta organisa un curso cortico ‘Skirbimento creativo’. Un curso di 6 encuentro pa personanan cu kier sigui practica skirbi storia, essay of Blog posts.

Esaki bou guia profesional di docente y schrijfcoach Byande van Andel. Curso ta cuminsa diaranson dia 11 di april, di 5or pa 7or. Tin 6 encuentro na biblioteca, tur diaranson atardi mes un orario. (Dianan  18, 25 di april y 2, 9, 16 +8 di mei)

Cursistanan ta haci algun ehercicio cu diferente estilo y ta purba di yega asina na nan propio fuente di inspiracion. Cu diferente ehercicio coach Byande van Andel ta stimula e coriente creativo y ta ofrece idea, feedback y inspiracion.

Participantenan por inspira otro y intercambia di idea con ta skirbi un storia of essay. Participantenan ta sigui skirbi na cas den siman.

Esaki ta un curso den cuadro di Lifelong learning na Biblioteca Nacional Aruba. Registracion ta posibel via info@bibliotecanacional.aw. Costo ta 125 florin pa persona.

- Advertisement -

DUNA COMENTARIO

Please enter your comment!
Please enter your name here