Home Deporte Dechi Bislip a bira Rey di Djampou di Aruba

Dechi Bislip a bira Rey di Djampou di Aruba

293
0
SHARE
- Advertisement -

Torneo di Pesca Spaans Lagoen

ORANJESTAD (AAN): Diadomingo ultimo a tuma lugar e Torneo di Pesca di Spaans Lagoen, cual tradicionalmente ta tuma lugar ariba nos Dia di Himno y Bandera.

E torneo aki a conta cu un total di 28 boto y 86 participante, cu sali bay pisca for di oranan di marduga.  Un bunita iniciativa di parti di e organizadornan cu ta incentiva e cultura di pesca den nos localnan.

E mandatario responsabel di e cartera di Sector Primario, Chris Romero, ta extende su palabranan di felicitacion na tur esnan cu a haci posibel e Torneo di Pesca Spaans Lagoen. For di e comision organizatorio, te na e participantenan, tur esnan cu a logra realisa un bunita evento familiar y cu ta representa dignamente nos cultura Arubiano, merece un distincion pa nan iniciativa y creatividad.

Como un piscado su mes, Minister Romero ta sinti’e hopi orguyoso di tur esnan cu a haci di e Torneo di Pesca Spaans Lagoen, uno grandi. Un alegria grandi pa Minister ora cu a mira e reconocemento cu a duna na e 3 baluartenan piscado, esta sr. Tico de Mey, sr. Bernardo “Soso” Paesch y sr. Iby Paesch. Tres cabayero cu un gran trayectoria den e mundo di pesca na Aruba, y cu sigur hopi di esnan mas hoben ta mira como ehempel pa sigui.

Un felicitacion special ta bay pa:  (*) Dechi Bislip, cu ta e Rey di Djampou di Aruba.  (*) Capitan Roberto Geerman, cu su tripulantenan cu a bay cu e Brasi di mas grandi.  (*) Capitan Buchi Briesen, cu su tripulantenan cu a bay cu e premio di e Pisca Cora mas grandi.

(*) Capitan Ricardo “Ley” Croes, cu su tripulantenan cu a bay cu e premionan di Picuda mas grandi y mayor ehemplar di Conofes.  (*) Capitan Luis Rasmijn, cu su tripulantenan cu a bay cu e premio pa e mayor ehemplar di Djampou Hala Geel.  (*) Capitan Victor Carolina, cu su tripulantenan cu a bay cu e premio pa mayor ehemplar Rab’i Gai.

- Advertisement -

DUNA COMENTARIO

Please enter your comment!
Please enter your name here