Home Comentario Den historia nunca un Departamento cu a privatiza tabata carga sosten di...

Den historia nunca un Departamento cu a privatiza tabata carga sosten di trahadornan

11
0
SHARE
- Advertisement -

Reaccion

ORANJESTAD (AAN): Algun persona a reacciona riba e discusion actual cu tin relaciona cu e plan pa privatiza Scolnan Publico.  Specialmente despues cu nan a lesa con Parlamentario Vrolijk di MEP a indica cu si acaso e proyecto aki no haya draagvlak di docentenan, e lo no bay door.

Pero si bo check den historia, semper ta tur Departamento cu Gobierno a yega di independiza of privatiza, ningun a carga draagvlak di sindicato ni trahador.   No obstante esey, tur a wordo independiza!

Pues den pasado, ningun Departamento cu a wordo privatiza, no tabatin draagvlak di trahador ni sindicato.  Djis corda Post Aruba cuanto welga tabatin y tog bay door.  Corda con hasta a welga durante eleccion, y e trahadornan no kier a parti e carchi votamento.

Djis corda e privatizacion di Serlimar, di ATA, di Setar, di WEB, Centro Medico, etc.  Aunke trahadornan a protesta, tog el a wordo pasa.  Djis pasobra Gobierno tabata manda e proyecto pa Staten, y Staten ta aprobe y e trahadornan tin nada di bisa.  Nan Sindicato por djis negocia nan rechtspositie.

Cu trahadornan tabata kier of no, tog e privatizacion a tuma lugar.

E ora via nan Sindicato, e ambtenaar por bay delibera pa dicidi si acaso ta keda mantene nan status ora cu e bira independiente of no.  Como Ambtenaar, sea bo ta permiti pa bay cu bo status, of ta dicidi pa elimine, y bay cu un arbeidsovereenkomst pa e trabao nobo.

Pero di experiencia, tur cu a bay y pidi pa keda cu e status igual, na final a bay den un Overtolligheids pool.  Hopi ambtenaar a haya nan den e Overtolligheids pool, pasobra LMA Articulo 94 ta indica cu bo por kita e ambtenaar, pero bo mester bin cu Wachtgeld.  Como cu Gobierno nunca a haci esey, pesey e trahadornan ta haya nan mes pega den Overtolligheids pool.

E diferencia e biaha aki ta, cu como cu no tin suficiente maestro di scol na Aruba, lo ta dificil pa Gobierno djis pasa e Departamento pa uno priva, sin tene cuenta cu e docentenan.  Imaginabo si tur docente bay den Overtolligheids pool.

E ora muy probablemente Gobierno lo laga e Docentenan pasa over pa DPS Priva cu nan status existente.  Y esnan cu drenta despues den DPS Priva, lo haya un status nobo.  Y esnan existente poco-poco lo vloei af.

Corda tambe con a puntra Ministro di Enseñanza na comienzo, con lo para cu e docentenan.  El a bisa cu tur docente lo mantene status igual manera e ta.  Esey ta algo cu por tambe!  Pesey hopi no ta compronde kico e discusion actual ta.

Pa colmo, e ponencia di Parlamentario Vrolijk cu DPS lo no privatiza si acaso no tin draagvlak… Surprise!  Den pasado hopi Departamento a independiza, sin cu nan tabatin draagvlak.

Un otro Departamento cu di hopi tempo ta papiando di dje pa privatizacion, ta “Casino Wezen”.  E tambe tabata di bira stichting.  Pero esaki tambe ta uno cu no tin draagvlak, pasobra e Controladornan di Casino simplemente no ta di acuerdo.  Con Parlamentario Vrolijk lo ta para di e opinion aki.

Pasobra si Vrolijk tin razon, e ora Casino Wezen tampoco no por privatiza, pasobra aki e no tin draagvlak.

- Advertisement -

DUNA COMENTARIO

Please enter your comment!
Please enter your name here