Home Impuesto Departamento di Impuesto ta cumpliendo cu retraso di restitucion

Departamento di Impuesto ta cumpliendo cu retraso di restitucion

23
0
SHARE
- Advertisement -

Ta bezig cu 2014

ORANJESTAD   (AAN): Kier haci un apelacion como Departamento di Impuesto. Berdad Departamento di Impuesto tin cosnan di mehora segun e directora Louenne Pieters. No ta pretende di tin tur cos ainda manera riba rails, pero ta trahando hopi duro pa yega eynan. Y por demostra tambe e seriedad pa esey segun e directora.

Ora cu a yega na anuncia cu ta cuminsa cu e inhaalslaag pa e restitutienan, te awor aki a cumpli. Ta bezig cu 2014, finalisando un parti chikito di 2013. 2014 ta biento en popa. 2015 y 2016 tin planea tambe e aña aki y pa fin di aña kier ta cla cu e retraso.

Tin cu mantene pa no crea mas retraso. Pero Departamento di Impuesto ta un departamento cu ta kere den e madurez di nan hendenan y e departamento mes. Loke a demostra tambe, cu nan ta un departamento serio cu ta cumpli cu cosnan cu tin cu cumpli cun’e y lo kier pa e cliente tambe tuma esaki tambe na serio, ora cu e tin cu entrega un aangifte, ora cu e tin cu haci un pago.

Naturalmente pagamento di belasting no ta leuk. Ta toca cartera di nos tur. Manera paga grondbelasting y inkomstenbelasting. Si e ta duna un pais e posibilidad pa por draai. Sin entrada di belasting, of sin un departamento di impuesto cu ta funciona manera mester ta, bo ta wak esaki den paisnan cu di berdad no tin un departamento di impuesto cu ta fuerte, cu ta madura.

No tin impuesto ta wordo cobra at all. Un pais ta sufri bao di dje, careteranan ta deteriora, no tin placa pa inverti den educacion, no tin placa pa inverti den ningun otro proyecto, pasobra no tin entrada ta drenta den caha di gobierno.

E papel di departamento di impuesto ta uno hopi importante pa pais Aruba y su trahadonan ta serio cu ta haci nan trabao manera debe ser y a bin ta cana den un trayecto caminda cu a demostra cu di berdad nan ta haci loke nan ta bisa y ta bisa loke nan ta haci.

- Advertisement -

DUNA COMENTARIO

Please enter your comment!
Please enter your name here