Home Enseñanza Departamento di Monumento cu les na scol tocante monumento

Departamento di Monumento cu les na scol tocante monumento

6
0
SHARE
- Advertisement -

ORANJESTAD(AAN): E foyeto cu nan tin ta wordo traha pa scol. Departamento di Monumento ta dunando les na scol riba kico ta monumento, nos casnan di cunucu. Segun directora di Departamento di Monumento, Yvonne Webb-Kock, a menciona cu mester prepara e siguiente les, cual ta e casnan florea, pa otro aña y a dicidi pa bin cu e foyeto di biaha. A haci e herkomst den cortico y tambe kico e siermetselaarnan tabata haci y a skirbi algun di e nificacion di e simbolonan cu tin riba e edificio.

Si mira por ehempel e dos liñanan cu tin riba e edificio, ta algo cu ta bin riba basta edificio, cual ta nifica morocho. E creencia, cual tin’e na Surinam tambe, cu morochonan tin poder special. Esey ta nos creencia. E ta wordo poni riba dje probablemente e señora cu a casa cu e meneer pa traha e cas, lo ta un morocho. Pesey a pone riba e edificio.

Esaki por ehempel por relat’e hasta na religion catolico cu por pasa hasta e trinidad. Tin diferente nificacion cu a haya sa. Por a ripara hopi facil cu e elemento aki a inspira door di elementonan di religion catolico. Pero tin tambe elementonan cu ta naturalesa. Por ehempel e vleermuis. E vleermuis pa e indiannan tabata un bestia cu nan tabata ador’e, pero toch no tabata sa mucho di dje. Sa cu e vleermuis tambe ta bon pa naturalesa.

Tin diferente caminda cu e Pineapple ta nifica gastvrijheid. Por mira tambe cu e tin brasanan caminda e cas ta habri pa ricibi hende. E ta nifica e cordialidad di nos Arubianonan. Y asina tin mas. Esey ta e simbolonan mas popular cu tin den e foyeto. E ultimo blachi di e foyeto ta splica kico Departamento di Monumento ta haci. Tur e 11 tareanan ta poni. Hopi biaha hende ta bruha ken ta haci kico, pasobra nan ta tres organisacion di monumento cu ta traha.

E balor ta uno cu ta wordo warda pa e siguiente generacionnan. E ta un documentacion di estudio. A tuma tres luna pa skirbie. E tin mas di 20 aña di Webb-Kock mes hinca aden, aunke e nota e autor cu a skirbi’e. E autor ta monumentenbureau y Romy. Pero si e ta contribui pa haya sa di unda nos ta bin, pero tambe pa duna honor na nos metslanan cu tin.

E ta un ofishi hopi bunita cu nan a haci. E ta un periodo cu por mira den nos arkitectura. Na opinion di Webb-Kock ta akinan so, pasobra toch a haci un comparacion di Venezuela y Colombia. Nan tin un dos elemento cu ta mesun cos, pero tin un boton so riba e muraya.

Poniendo e na skina full bin abao, loke ta remarcabel cu a haya sa, ta ora cu nan bay midi cada simbolo pa hink’e den computer, cu nan tin e mesun tamaño. Esey tambe ta remarcabel. Nos tin creencia cu ta uza skinanan di cas pa proteccion. Ta pone aloe na tur dos skina di porta, ta pone moneda den skina di fundeshi pa semper tin pan na cas.

Ta creencianan cu a bay di generacion pa generacion y tambe e decoracion tabata manera e skinanan, cu bo ta proteha e skinanan of bo deseonan, pasobra tin cu ta puntra pa un bon matrimonio, tin cu ta puntra pa haya hopi yiu y den e temporada ey tabata tin hopi yiu, entre 4 y 12 cu tabata nace na e cas. Hopi hende a bisa cu e simbolo ta wordo poni pa cada aña cu haya un yiu.

Tabata tin mas cu 4 yiu cu a nace den e cas. Al fin y al cabo, tin cu bisa cu e inspiracion di e indjannan, si bo ta reconoce bek. Pero e ta mas tanto pa decora pa haci cas bunita. A documenta tambe por ehempel simbolonan cu tabata traha pa metslanan Henriquez. Algun pa metslanan Christiaans y pa Departamento di Monumento ta hopi importante pa esakinan keda documenta pa por na simbolonan, por reconoce caba ken tabata e metsla cu a traha e cas ey.

Esey ta pa e parti tecnico di e restauracion. Asina tin di Maduro, tin di Giel, Geerman, Wernet. Tin basta. Tin mas of menos 12 metsla y tambe e adresnan poni unda nan ta, por lo menos esunnan cu a wordo investiga. Un estudio basta bon hinca den otro. Ta menciona tambe tur e literatura, kico a uza pa compila e estudio aki. Webb-Kock ta hopi contento cun’e, pasobra e ta refleha algo cu ta di nos y nos mester ta orguyoso tambe riba nos siermetselaarnan cu tabata haci un ofishi hopi bunita.

E promenan tabata haci nan ofishi fo’i man, vooral e Donata y Christiaansnan. Despues e malchinan a bin. Yiunan di e prome Christiaans, a cuminsa traha cu e malchinan. Despues e Henriqueznan a cuminsa pone e malchinan den zink. E ora ey nan a bira mas creativo den e formanan tambe. Nan tabata tin malchi y nan tabata compila figuranan hunto cu otro.

E ta algo cu ta un epoca di mas of menos 100 aña. No tin determina exactamente, pero cu e ta dentro di 100 aña cu tabata wordo haci. El a cuminsa na Noord, despues a bay e otro barionan. Sa por ehempel e Christiaansnan tabata bay riba su burico, pasobra no tabata tin auto e tempo ey. Y e ta biba na Noord y mester a bay haci un cas te na Pos Chikito of na Sabana Basora.

E ta bay pa basta dia y despues di tanto dia, e ta bin bek, pasobra bo no ta bay tur dia cu e burico riba bao, pa decora un cas y djis bin bek. Despues nan a bay asina leu cu nan ta bin cu diseñonan pinta na e doño y puntr’e cua diseño e kier. E doño ta haci su escogencia, e ora ey ta traha e diseñonan of nan ta compila un diseño cu un otro, segun Yvonne Webb-Kock.

 

 

 

- Advertisement -

DUNA COMENTARIO

Please enter your comment!
Please enter your name here