Home Salud Departamento di Radiologia di Hospital algun dia fuera di servicio

Departamento di Radiologia di Hospital algun dia fuera di servicio

22
0
SHARE
- Advertisement -

Solamente casonan di emergencia lo ser atendi

ORANJESTAD (AAN): Desde dialuna mainta a constata problema serio pa loke ta e circulacion di aire na Departamento di Radiologia di Dr. Horacio E. Oduber Hospital (HOH).

Teniendo e proteccion di pashentnan y alavez empleado na cuenta a dicidi pa cera porta di departamento di Radiologia te cu diahuebs proximo como medida preventivo.

Lo atende solamente pashentnan cu ta caso di emergencia y na e departamento concerni aki. Tur otro cu tin un cita planea e dianan aki lo ricibi un yamada di e departamento concerni pa asina planea un cita nobo. Si no por warda, nan ta pidi pa pasa ImSan pa saca potret.

Un decision siguramente no facil pero necesario pa cu e salud di pashent y empleado cu ta drenta diariamente Departamento di Radiologia. Spera di por resolve e problema aki lo mas pronto posibel pa asina por sigui brinda e servicio cu un y tur ta custumbra cune.

Danki na un y tur pa nan comprension mirando cu algun cita lo mester ser hala pa motibonan imprevisto y ta pidi disculpa pa e inconveniencia. Pa cualkier pregunta por tuma libremente contacto cu Departamento di Radiologia na Dr. Horacio E. Oduber Hospital

- Advertisement -

DUNA COMENTARIO

Please enter your comment!
Please enter your name here