Home General Departamentonan trahando hunto a re aloca neishi di shoco

Departamentonan trahando hunto a re aloca neishi di shoco

124
0
SHARE
- Advertisement -

ORANJESTAD(AAN): Departamentonan concerni a wordo poni na altura di dos shoco cu posiblemente tabata na peliger pa motibo cu nan neishi tabata riba un tereno cu lo a wordo rosa e siguiente dia.  A tuma contacto cu e doño di e tereno kende na prome instante no tabata contento pasobra el a indica cu 3 siman pasa el a tuma contacto cu instancianan concerni pa e neishi di shoco y nada no a wordo haci.

Sinembargo tog a ricibi su cooperacion y e proceso a inicia di biaha diabierna cu evaluacion di e sitio y situacion. Departamento di Naturalesa y Medio Ambiente (DNM) a traha riba un plan di accion, pa mira kico por haci pa garantisa proteccion di e shoconan.

A base di e evaluacion cu a wordo haci door di DNM, a opta pa traha un neishi pa e shoconan na otro banda di e caminda mes. Preferibel tabata pa traslada e shoco pa un di e 16 areanan protegi, pero e proceso ey lo a dura mas cu un siman y no tabatin e tempo ey disponibel.  Consecuentemente cu hopi bon cooperacion di expertonan di Parke Nacional Arikok a inspecciona e luga y a bin cu e solucion pa traha un neishi den e area ey mes.

Den fin di siman DOW cu a haci uzo di ekipo necesario pa rosa un pida tereno na e otro banda di caminda pa por re aloca e shoconan. Dialuna e neishi a wordo traha na e sitio nobo y anochi esnan di Parke a bay gara e shoconan cu presencia di dokter di bestia pa garantisa cu e shoconan ta den bon condicion y a pone un banchi na nan.

Segun expertonan, e proceso ta, cu e shoconan lo sali for di e neishi traha pa nan y bay bek na e sitio anterior busca nan neishi bieu, pero ora nan mira cu esey no tey mas, nan ta bolbe na nan neishi nobo. E doño a wordo poni na altura tambe cu e shoconan a wordo re aloca y a gradici’e pa su pasenshi y avise cu su trabounan por continua.

- Advertisement -

DUNA COMENTARIO

Please enter your comment!
Please enter your name here