Home Policial Despues di tres luna ata ladron muher a bolbe bishita Supermarket

Despues di tres luna ata ladron muher a bolbe bishita Supermarket

1484
0
SHARE
- Advertisement -

E muher ta core auto caro…

ORANJESTAD (AAN): Pa tres luna caba, tur cliente cu acudi na Ling Sheng Supermarket den Arendstraat tin un poster poni riba nan porta di negoshi, cu ta divulga imagen di un shoplifter femenino, kende dia 8 di December 2017 pa 10:46 am a horta un botter di Clorox.

E potret ta divulga cu e shoplifter a bay den un Honda CRV, cu number A-36654.

Un muher den un vehiculo caro, ta rebaha su mes hortando un boter di Clorox.  El a horta esaki hincando e producto den su carson di abao.

Pa sorpresa di tur hende, ata Diabierna 2 di Maart 2018, e muher a regresa e Supermarket.  Gerente a ripara e cu tin e Honda CRV staciona pafo atrobe, y a cana bay pa check e vehiculo y a ripara cu enberdad e ta mesun number, esta A-36654.

Ora di a bay bek paden, ata net e ora ey e muher ta saliendo cu djis su tas den man.  E no a cumpra nada.

Gerencia e ora a bay check tur nan Security Camera, y a rewind tur video.  Aki nan a bin descubri cu un biaha mas, e muher a bolbe dal un hit!  Un di e cameranan a capta claramente un biaha mas con pa 2:37 pm, e muher a sak pasa man pa un paki di lechi marca Nido.  Y den un movimento rapido, el a bira y bolbe hinca e saco di lechi den su carson abao, y a djis cana bay y sali.

Kico ta pone hende bira ladron asina?  Un hende cu tin auto caro, un hende cu tin compleho di apartamento, y un hende cu ta casa cu un Hulandes Europeo.  Di con e muher tin di resorta na horta atrobe?

Gerencia di Ling Sheng Supermarket a entrega keho na Polis, y agentenan a divulga cu ya caba nan sa ken e muher ta.  Via e number di auto A-36654 di e Honda CRV, nan sa caba unda e ta biba.

E speranza tey cu otro comerciantenan na Aruba tuma bon nota di e muher aki, pa evita cu nan tambe ta bira victima di e shoplifter profesional aki.

 

- Advertisement -

DUNA COMENTARIO

Please enter your comment!
Please enter your name here