Home Deporte Diabierna awor lo tin e clash entre RCA y Britannia

Diabierna awor lo tin e clash entre RCA y Britannia

11
0
SHARE
- Advertisement -

ORANJESTAD (AAN)-  Diadomingo atardi a continua e weganan di futbol pa campeonato Division Honor 2018. Den e prome wega e tricolornan di Solito a enfrenta e bufalonan di Tanki Leendert. Ya na halftime e score tawata 7-0 y e partido a termina 13-0 na favor di RCA cu awor tin 18 punto y un average di gol di +21.

Golnan a wordo marca pa Erik Santos de Gouiveai 2, Ronald Gomez 4, Nathan Lo-A-Njoe 1, Jean Luc Bergen 4 y Leanuar Croes 2.

Asina RCA a habri 2da buelta cu dos victoria, derotando Caiquetio siman pasa 3-1 y e siman aki JTL.

Diabierna proximo pa 8’ or di anochi RCA  lo topa cu Britannia den un tremendo clash di calidad. Mester remarca cu den promer buelta Britannia a derota RCA 1-0 despues di 4 aña cu e pumanan di Piedra Plat no por a gana e soldatnan tricolor di Solito. E siman completo tawata uno perfecto pe organisacion tricolor, ya cu dialuna siman pasa den U17 a derota Riverplate 3-1 na Madiki, manteniendo invicto y promer puesto di e tabla.

Diaranson U20 RCA a derota Estrella 1-0 y ta move pa 2do puesto ribe standing Junioren. Diabierna ultimo damas tricolor RCA a gana Estrella 3-0 y tambe ta mantene #1 di nan tabla di posicion.

Mester remarca cu U15 RCA tambe ta domina su categoria.

Fanaticada tricolor ta keda invita  tur nan fanaticada pa Diabierna awo den CDGPT pa bay apoya RCA vs Britannia, un partido importante cu soldatnan di Solito mester gana pa por sigi avansa riba tabla division di honor.

 

- Advertisement -

DUNA COMENTARIO

Please enter your comment!
Please enter your name here