Home Actividad Especial Diadomingo awor tin concierto inusual den Lagoen na Klip

Diadomingo awor tin concierto inusual den Lagoen na Klip

65
0
SHARE
- Advertisement -

ORANJESTAD (AAN): Pa hopi di nos, e area di Lagoen na Playa ta un area di un balor historico inigualabel, yena di hopi nostalgia y recuerdonan grato.

Algun dia pasa, Edjean Semeleer a anuncia un concierto masha special dedica na e celebracion di nos Dia Nacional presenta pa Fundacion “Go Cultura”.

E biaha aki, un espectaculo riba awa di Lagoen den klip. Un lugar sigur masha inusual pa un evento unico asina.

Nos tur ta corda con 18 di Maart aña pasa, un aire di bida a worde supla back brevemente den e teatro di Ser’i Noka na Santa Cruz. Esaki a bira un concierto masha comenta den nos comunidad te cu awe.

No tin duda cu e concierto di e aña aki, cu un bes mas lo conta cu presentacion estelar di un grupo hopi grandi di artista di tur edad, lo bira algo historico y memorable un bes mas.

Aruba ta curioso pa sa ta con esaki lo worde logra, pero conociendo e creatividad, curashi y boluntad di nos hendenan, nos ta sigur cu tur hende lo keda masha encanta.

Fundacion Go Cultura, Aruba Bank, Setar NV, Super Food Plaza, Aruba Airport Authority y Telearuba ta invita bo pa apoya nos artistanan local y busca bo carchi di entrada pa solamente Afl. 35,-. Nos ta desea Edjean Semeleer y tur otro artista hopi exito cu e proyecto magnifico aki.

 

- Advertisement -

DUNA COMENTARIO

Please enter your comment!
Please enter your name here