Home Social Diadomingo di Rama lo wordo celebra cu actuacion bibo den Parokia di...

Diadomingo di Rama lo wordo celebra cu actuacion bibo den Parokia di Dakota

28
0
SHARE
- Advertisement -

Den cuadro di Diez Aniversario di Caminda di Cruz Bibo:

ORANJESTAD (AAN)—Den entrevista cu sra. Gina Nuboer, ken ta coordina e Caminda di Cruz Bibo den e Parokia di Dakota, cual e aña aki ta yega na su decimo aniversario.

Pa celebra su diez prome añanan consecutivo, e aña aki ta cuminza cu Diadomingo di Rama cu actuacion Bibo, Diadomingo 25 di Maart.

Sra. Nuboer a comenta, den entrevista cu redaccion di Diario, cu esaki ta e prome biaha cu lo haci un presentacion similar na e Caminda di Cruz, cu actuacion di un elenco.

Asina lo presenta dos milagro cu Jesus a realiza, manera ta wordo treci dilanti den Bijbel.

E ta cuminza cu un procesion pa 5’or di atardi y lo caba na Misa di Fatima cu e Santo Sacrificio di Misa, pa 6 or di atardi.

Jesus lo ta na pia hunto cu e soldatnan y algun apostel, y tambe e pueblo lo ta presente. Na e pueblo cu ta bin den e procesion ta wordo pidi pa trece nan palmanan cune, cual lo wordo bendiciona ora nan drenta Misa. E idea di celebra Diadomingo di Rama asina aki, ta di Pastor Szpila mes, sra. Nuboer a menciona.

PROME MILAGRO:

E ruta ta cuminza na Caya Apeldam, na unda antes e edificio di AA tabata ubica (patras di Pius X-School).

Akinan ta e actuacion di e prome milagro lo tuma lugar cual ta caminda Lazaro ta wordo lanta pa Jesus, for di morto.

DI DOS MILGRAGO:

E procesion ta sigui drenta Patiastraat na unda e di dos milagro ta wordo representa. Esaki ta e hende muher cu a sangra durante diesdos aña y Jesus ta mishi cu su manto y a cure.

Despues ta bira man robes na Mispelstraat bolbe bira man robes drenta Papayastraat y sigui pa Shimarucostraat. Akinan ta haya Zaqueo subi riba un mata. Jesus ta pidie pa e baha y e ora ey tin interaccion entre Jesus y Zaqueo.

Despues ta tuma bira man drechi riba caminda di Milinstraat y ora yega na planchi di Misa parti meymey Jesus, e soldatnan, apostelnan y pueblo ta drenta Misa unda e Sacrificio di Misa ta sigui.

Jesus lo wordo interpreta pa Wilmar Aristizabal, Lazaro pa Arthur Comenencia, e rol di e hende muher cu Jesus a cura di sangramento ta den persona di Lilian Albertus; Zaqueo den man di Steve Geerman.

Prome cu Jesus a acerca Lazaro pa lante e ta topa cu Maria di Betania y cu Marta. E papel di Maria lo wordo interpreta pa Joally Lake y Marta den persona di Ruby Rafael.

 

- Advertisement -

DUNA COMENTARIO

Please enter your comment!
Please enter your name here