Home Tempo Diahuebs awo lo tin training grandi regional di Tsunami na Aruba

Diahuebs awo lo tin training grandi regional di Tsunami na Aruba

303
0
SHARE
- Advertisement -

ORANJESTAD(AAN): Ta bay tin un training grandi na Aruba den e siman aki ainda. E ta bay ta diahuebs awo, dia 15 di Maart.

Rino Hermans ta e hefe di departamento di Calamidad, Rampenbureau, y el a splica riba e preparacionnan cu ta bay tuma luga, kico e ta precies, con a prepara, kendenan ta envolvi y e motibo di un training manera esaki.

El a comenta cu esaki ta un training regional di tsunami, organiza pa UNESCO. Aruba ta participa den esaki y nos pueblo lo ta bay ta concientisa pa prepara pa cualkier eventualidad, den e caso aki tsunami.

Te cu dialuna atardi, tin 26 compania lo participa, incluyendo e hotelnan, den diferente fase di training. Tin tabletop, tin cu tin drill, tin cu tin funcional, esta lo bay evacua full nan edificio y mira den cuanto minuut nan lo funciona y si tur hende a yega na e meeting point.

Pa e aña aki e ta un tiki mas pisa compara cu e añanan anterior, mirando cu e ora cu e ta sosode, caminda cu schoolnan ta bezig, mayornan ta trahando y e forma cu e scenario ta duna, cu muy en particular, nan dos lo no comunica cu otro, den e siguiente 72 oranan.

Esey ta nifica cu cada famia mester por traha un plan, den un situacion cu ta bay sosode diahuebs awo, con nan ta bay haci’e, unda e muchanan ta bay, unda e mayornan ta bay y e compania tambe tin cu prepara cu nan lo tin hende riba nan pa tres dia mas of menos y nunca ningun hende a prepara pa tin huesped den un compania normal pa tres dia cu cuminda y awa.

E scenario Diahuebs awo lo bay ta interesante pa por mira con e companianan ta bin back y traha nan plan, con nan ta haci den un situacion asina. Ta bezig cu e companianan caba pa 2 luna. Diahuebs awo lo bay bira interesante. Ta purba pa haya prensa envolvi door cu Aruba no tin un sistema di alarma central. Ta wak si e radionan ta coopera, si television ta coopera y apart di esey, den nan assessment lo bay haya sa kico lo sosode pa 10’or y 10 y pa 12’or lo tin un bista cuanto hende a bira victima, mirando kico ta e accionnan cu a tuma luga, na momento cu a keda conoce cu Aruba lo haya un tsunami.

E training ta programa pa cuminsa pa 10’or di mainta, y pa 2:30’or e lo caba.

DIARIO a haya sa cu tin dos fase den e training. E fase ora cu nan haya e alarma, cuanto personal tin, con pa evacua nan, cuanto a worde evacua, cuanto material a keda pa por response. Despues nan ta bay na Rampenbureau y eynan ta haya un assessment kico ta e situacion na Aruba. Despues ta bay back pa nan dienst of hotel y eynan nan ta traha un plan y despues ta manda e plan aki back pa rampenbureau pa 2’or pa 2’or y mey di merdia. Eynan Rampenbureau ta bay evalua durante e siguiente simannan, pa purba di haya un bista con ta actua den un caso asina.

Con ta bay alarma:

Ta bay purba pa e radio emisora cu ta den aire, pidi tur hende riba caya pa cende luz di auto ora cu haya alarma.  Tambe pita bo auto bay goal, pa asina bo por notifica tur otro hende riba caya, pa nan cuminza scucha radio pa sa kico ta pasando.

Tur medio prensa lo haya alarma hunto cu tur otro compania of servicio cu participa, di forma cu por mira si cu pito, cu e luz cendi, via social media, bo por alerta demas ciudadanonan.  Nan ta bay monitor, sea ta manda puntra kico a pasa, etc.

Ta bay purba pasobra no tin un sistema central di alarma na Aruba. Ta bay purba wak cua ta e metodo cu por alerta e pueblo di Aruba.  Kizas un sistema di Reverse-911 SMS pa Aruba tambe ta posible.

 

 

- Advertisement -

DUNA COMENTARIO

Please enter your comment!
Please enter your name here