Home Economia Diahuebs DEZHI y Exprodesk tin tayer encuanto Propiedad Intelectual y tambe Digital...

Diahuebs DEZHI y Exprodesk tin tayer encuanto Propiedad Intelectual y tambe Digital IQ

1
0
SHARE
- Advertisement -

ORANJESTAD (AAN): Departamento di Asuntonan Economico, Comercio y Industria (DEZHI) y su unit Exprodesk, den conhunto cu Oficina di Propiedad Intelectual (OPI) y Defiant Concepts ta organiza dos tayer dia 22 di maart, 2018, for di 9or di mainta te cu 12or di merdia. E tayernan aki ta consisti di dos topico, e prome ta ‘Propiedad Intelectual, Con pa Protege?’, y e di dos ta ‘Raising your Digital IQ’.

DEZHI su unit Exprodesk ta organiza e tayernan aki cu e meta pa brinda personanan den e Industria Creativo na Aruba, e conocemento concreto y practico pa aplica loke nan a siña, den nan carera profesional y stimula esnan interesa den exporta nan creaccion.

E prome parti di e workshop lo toca e tema di Derecho di Autor, y lo worde presenta pa señora Maria Ridderstaat, sr. Michel Thode y señora Adeline Rojer-Geerman di OPI, cu ta personanan cu hopi conocemento den e area aki. E di dos parti di e workshop lo ta tocante e tema ‘Raising your Digital IQ’, y esaki lo ta presenta door di sr. Bruce Harms di Defiant Concepts.

Sr. Harms tin hopi aña di experiencia den e sector di marketing y den duna tayernan na Aruba. Nos ta spera cu participantenan lo por beneficia y siña mas di con pa uza medionan digital pa promove nan mes den mercado local y internacional. Tambe cu participantenan lo comprende e derechonan cu nan tin riba nan propiedad intelectual y con pa proteha esaki.

DEZHI y su unit Exprodesk ta invita tur interesado pa participa den e tayernan aki dia 22 di maart, 2018, for di 9or di mainta te cu 12or. E tayernan aki ta completamente gratis, pero e espacio ta limita. Pa e motibo aki nos ta pidi participantenan pa registra na tempo.

E tayernan aki lo tuma luga na Departamento di Asuntonan Economico, Comercio, y Industria, cu ta situa na L.G Smith Boulevard #160, na edificio di Sun Plaza, riba segundo piso. Pa registra por mail nos na s.meijer@exprodesk.com.

- Advertisement -

DUNA COMENTARIO

Please enter your comment!
Please enter your name here