Home Comercio Diasabra awo por test drive e hatchback nobo Toyota AGYA

Diasabra awo por test drive e hatchback nobo Toyota AGYA

39
0
SHARE
- Advertisement -

ORANJESTAD (AAN): E famia di autonan Toyota ta sigui crece y Garage Cordia ta introduci su miembro di mas nobo cu ta e Toyota AGYA. E Toyota AGYA ta un hatchback y e ta mas compacto, pero tambe e ta sumamente economico.

E AGYA no ta solamente economico den prijs pero tambe den consumo di gasolin y esaki ta bin pa motibo cu e motor ta di 3 cilinder y ta 1.0 liter di gasolin. Aunke cu e auto aki ta bin economico den prijs, e ta ekipa cu macreem den size 14. Tambe e auto ta bin cu su sign light den e spielnan y por ahusta e spielnan electronicamente di parti paden di e auto. E Toyota AGYA su parti interior ta uno espacioso aunke cu e ta un hatchback.

Tambe e radio ta bin cu su control y na e stuurwiel tin controlnan unda cu por subi of baha volumen di e musica of cambia stacion di radio. Tur modelo di e Toyota AGYA cu a yega Aruba ta automatico, di cual e ta completamente power windows y power doors.

E auto aki ta uno chikito pero e bahul ta uno espacioso, pasobra semper por baha e lomba di e stoelnan patras y asina tin e posibilidad pa transporta mas cos den e Toyota AGYA.

Pa mas informacion riba e Toyota AGYA, por yama Garage Cordia of bay riba e Facebook page unda no solamente por haya informacion di e auto pero por haci un cita pa diasabra awo dia 24 di Maart desde 9:00 am te 1:00 pm. E dia aki tur esunnan cu yega Garage Cordia por test drive e Toyota AGYA.

 

- Advertisement -

DUNA COMENTARIO

Please enter your comment!
Please enter your name here