Home Cultura Dicho y proverbio ta haci un idioma bibo y humoristico

Dicho y proverbio ta haci un idioma bibo y humoristico

481
0
SHARE
- Advertisement -

ORANJESTAD (AAN): Con un dicho y proverbio ta forma? Dicho of proverbio ta forma a base di loke cu ta pasa den bida di un ser humano. Por ehempel: Amigo malo ta fruta putri.

Semper tin cos gracioso den idioma, por ehempel dicho of proverbio. Ora bo kier bisa un persona algo indirecto, bo por haci uzo di dicho of proverbio.

Proverbio ta sabiduria di un comunidad. Proverbio ta salud di idioma, expresion di sabiduria di bida, di cua e forma no ta cambia. Frase cu forma fiho den cua ta expresa un pensamento di sabiduria popular.

Dicho ta un combinacion idiomatico fiho di palabra cu un nificacion figurativo cu generalmente no ta contene verbo y asina no ta forma un frase.

Kico ta e diferencia entre un proverbio y un dicho? 

Mayoria biaha un proverbio ta contene un verbo y un dicho no ta contene verbo.

Ehempel di proverbio:

Ta yega un dia cu burico ta cansa di carga: su cana ta yena. Den tempo di guera no tin misa: den tempo dificil tin di bay manera por.

Ehempel di dicho:

cu alma y curpa: cu tur su esfuerso

un cancion sin fin: algo cu ta dura pa basta tempo caba

cabes di pal’i maishi: cabes bashi

Pa nos cuida nos idioma, nos tin cu uza nos dichonan y proverbionan tambe, p’esey relaciona cu aña di Papiamento, FLP y DCA ta haci un yamada na tur comerciante pa expone un of mas dicho of proverbio den nan luga. Na tur adulto practica dicho of proverbio den boso hogar, pa asina nos yiunan/nietonan of sobrinonan sigui enrikece nos dushi idioma . Nos tur mester uni pa promove Papiamento.

Na december 2018 Fundacion Lanta Papiamento y DCA lo otorga un premio na e negoshi cu haci uzo di un dicho of proverbio den su luga. Tin diferente manera pa expone dicho of proverbio, of bo ta laga skirbie riba muraya of bo ta laga un hende print e y pone den un lijstji of ta laga un pintor skirbie riba un canvas, pues e ta keda na e comerciante con e ta trece padilanti creativamente. Negoshinan cu ta haya hopi bishita di turista por uza Papiamento y otro idioma tambe, por ehempel: Macaco sa cua palo e ta subi

Pa mantene nos comunidad uni, nos mester aprecia y promove nos simbolonan nacional, cu ta nos himno, escudo, bandera, nos idioma nacional y nos costumbernan/balornan.

- Advertisement -

DUNA COMENTARIO

Please enter your comment!
Please enter your name here