Home Salud Dokternan di cas a bay di acuerdo cu e reglanan nobo pa...

Dokternan di cas a bay di acuerdo cu e reglanan nobo pa trata pashent

32
0
SHARE
- Advertisement -

ORANJESTAD    (AAN):  Dokternan di cas ta contento cu a yega na un acuerdo pa loke ta e reglanan basico pa tanto dokternan di cas como pa e pashentnan. Esaki a wordo bisa door di dokter Joaquim van Trigt, kende tin su practica na Playa.

El a admiti cu nan a scucha critica riba e accesibilidad di dokternan di cas, y e ta kere cu pa e publico (e aseguradonan en general) no tabata mucho cla kico nan por spera di nan dokter di cas. Esaki ta causa frustracion cerca nan y ta busca un manera pa expresa e malcontento aki, entre otro via social media of prensa.

Pesey e palabracion aki lo por trece un poco mas di claridad pa pueblo. Mester tene cuenta si el a bisa, cu na cierto momentonan lo ta hopi druk y lo no por cumpli cu algun di e reglanan pero por ta sigur cu e asistente ta haci su esfuerso pa contesta e telefon asina mes den un tempo rasonabel. E reglanan aki, cu a wordo aproba door di 45 dokter di cas, ta conforme reglanan internacional y calidad.

Tambe van Trigt a papia di e reglanan ora di pidi un verwijsbedrief. Esaki e dokter di cas mester duna, skirbiendo e motibo pakico un pashent ta wordo manda pa un specialista, despues cu e dokter di cas mes a haci intento pa yuda e pashent. Ora cu no logra yega na un solucion, e pashent por wordo manda pa un specialista cu su debido splicacion.

No mester lubida cu un carta di referencia pa un specialista tin un validez di tres luna. Si no ta cla cu e tratamento den tres luna, mester pidi un carta di prolongacion cerca dokter di cas, pero esaki mester wordo compaña pa un raportahe di e evolucion di e tratamento cu e specialista ta dunando.

Despues di haya e relato, e dokter di cas por duna e prolongacion. E specialista ta keda cu e deber di raporta pa mira ki ora no ta necesario mas pa e pashent keda cerca dje.

 

- Advertisement -

DUNA COMENTARIO

Please enter your comment!
Please enter your name here