Home Policial Dos homber malamente maltrata den supuesto “Fake” taxi shinishi

Dos homber malamente maltrata den supuesto “Fake” taxi shinishi

37
0
SHARE
- Advertisement -

ORANJESTAD (AAN): Patruya San Nicolas riba 4 Maart 2018 pa mas o menos 05:15  di marduga a dicidi pa hiba controla den Seroe Colorado y e unidad a topa dos homber bao sanger altura di Centro Colorado.

E dos homber habla Spaño ambos ta bao influencia. Un tin herida di cap formal tras di cabez mientras e otro homber riba herida di cap na cabez y mancha sanger bao su wowo robez. Un di e hombernan a declara cu ambos ta traha abordo di barco carga cu ta mara na Oranjestad.

Nan a declara di tan a un fiesta na un Bar Dominicano. Nan a para un auto cu intencion pa bolbe Oranjestad. Nan a drenta den un auto color shinishi, e homber tras di stuur  a declara di ta “taxista” y e lo transporta nan pa ciudad.

E auto a pasa na un pomp di gasolin y aki a drenta tres otro homber den e vehiculo. Despues ambos homber pa medio di e cabu di arma candela nan a wordo maltrata na cabez. Debi cu un di nan ta trata pa hasi algo pa kita atencion di e bandidonan el a wordo maltrata pisa  y a kita nan potmoni y cadena oro for di dje.

Despues nan a wordo laga atras. E dos hombernan a cana direccion panort te na unda polis a bin localiza nan. Relaciona cu e caso serio aki ambos homber a wordo transporta pa Warda di polis San Nicolas.

Patruya hunto cu Kustwacht a tene control na beachnan pero no constata nada particular. Recherche  San Nicolas a wordo notifica di locual a sosode. Mas laat di marduga pa alrededor di 05:45 polis colega na entrada di “Colony” a bin descubri dos “Potmoni” pertenece na un di e dos hombernan victima di maltrato serio.

Patruya tambe a bay direccion Pomp di gasolin Essoville. Mainta pa alrededor di 06:05 ambulans a presenta na warda San Nicolas a wordo poni na altura. Mientras “ATRACO TEAM” tambe a wordo poni na altura di un que otro.

 

- Advertisement -

DUNA COMENTARIO

Please enter your comment!
Please enter your name here