Home Gobierno DOW a entrega Minister di Infrastructura e documento cu tur exigencia pa...

DOW a entrega Minister di Infrastructura e documento cu tur exigencia pa construccion

97
0
SHARE
- Advertisement -

Un guia oficial pa Ingeniero y Arkitectonan:

ORANJESTAD (AAN) — Diaranzon mainta a tuma lugar un conferencia di prensa na Bestuurskantoor, cual a wordo dirigi pa Minister di Infrastructura y Medio Ambiente, sr. Otmar Oduber, den cual tambe e director di Departamento di Obranan Publico (DOW), Ing. Marlon Croes, a hiba palabra.

E tema di e rueda di prensa aki ta e “Maneho nobo di DOW.

Minister Otmar Oduber a menciona cu despues cu siman pasa a anuncia e maneho fiha, na un forma hopi cla y transparente, pa loke ta concerni otorgamento di tereno y henter e proceso cu tin, tanto pa erfpacht y pa huur ground, y den e contexto aki DOW a entrega un documento cu tur e rekisitonan y exigencianan riba construccion cu DOW tin, cu tambe lo bira un guia oficial pa Ingeniero y Arkitectonan envolvi den construccion na Aruba.

E mandatario a splica cu un di e puntonan riba cual a reuni for di December cu el a reuni cu e organizacion di ingeniero y arkitectonan local, y a reuni cu diferente persona individual y tambe cu DOW, tocante e meta di traha mil cas adicional, lo triplifica pa DOW e cantidad di bouwvergunning adicional cu lo mester sali.

Un di e condicionnan cu a pone pa otorga tereno ta cu den tres luna mester entrega e peticion pa bouwvergunning entrega na DOW.

Esaki ta nifica den maximo tres pa cuater siman mester saca un bouwvergunning y hasta den menos tempo si ta posible.

E dignatario a subraya cu hunto cu e team di DOW a sinta kibra cabes con por logra esaki, mirando cu tabata tin mas of menos 440 permiso pa construccion pega na DOW, y tin cu ta warda casi un aña y hasta mas, tanto pa traha cas como negoshi.

Nan a yega na un formula unda cu DOW mes ta carga e responsabilidad, pero ta bay traha cu hende di afo tambe (priva) pa atende cu e casnan cu tin den proyecto aworaki mes, pero tambe e mil cu ta bin adicional. Lo tin cu bay atende cu un average di 1500 pa 2000 vergunning e aña aki, y pa por haci esaki mester escrutina y ta transparente cu comunidad, cu esun cu ta traha e cas, cu e ingeniero, e arkitecto, y comunidad en general pa evita cu documentonan ta bay pega na DOW door di diferencia di opinion entre un ingeniero di DOW y esun cu ta pinta e cas di e cliente.

Recientemente, e dignatario a splica, a wordo entrega na su persona un documento basta extenso, cu ta splica basicamente na e ingeniero of arkitecto di Aruba, kico e mester cumpli cune, unda pa cada bouwvergunning entrega na DOW no por tin discusion mas riba e midimento of otro condicionnan cu e cas mester tin. Mas lo traha riba estetica y consehonan cu por wordo duna pa e ora ey por procesa efectivamente, e cantidad di verguningnan cu tin.

Esaki ta bay tuma lugar na un manera transparente awor, unda lo zorg pa tur compania na Aruba haye, y e lo ta riba e website di DOW, pa asina tur hende ta na haltura kico ta e exigencianan di DOW, kico e condicionnan y tur cos den detaye.

Asina tambe ta elimina e imagen cu por ta, tabata tin, cu cosnan iregular por a sosode den e Departamento di DOW. A tuma pasonan pa evita cu cualkier aspecto iregular por tuma lugar pa asegura y duna confianza bek na e comunidad y cu e maneho na DIP tambe ta wordo sigui cu follow up door di DOW pa cumpli cu e plannan aki di Gobierno, pa construi cien cas adicional pa aña.

E mandatario a acentua cu e kier encurasha e mundo di construccion na Aruba y tur hende cu ta parti di dje, y e ta papiando cu DOW tambe encuanto e tipo di casnan y con pa traha vivienda mas moderno, ya cu tin espacio ainda y tecnologia mas avanza y mas barata cu tambe por bira posible na Aruba. Den e direccion aki tambe e mandatario ta den combersacion cu FCCA.

 

- Advertisement -

DUNA COMENTARIO

Please enter your comment!
Please enter your name here