Home General DOW a haci limpieza mesora na Bushiribana

DOW a haci limpieza mesora na Bushiribana

99
0
SHARE
- Advertisement -

ORANJESTAD(AAN): —E personal di DOW a bay den accion mesora diamars ora cu a mira e publicacion di Bushiribana. Atrobe vandalistanan a susha e lugar turistico.

E cantidad di mensahenan menos bunita a wordo atendi mesora. E biaha aki a usa verf di azeta pa asina scirbi e mensahenan paden den e ruinanan y pafo tambe riba baranca entre otro.

A pone un team cu truck di awa, pomp cu pressure washer y tambe quimico pa asina kita e verf.

Esaki no ta prome biaha. Hopi di e otro biahanan a usa spuit bus. E biaha aki a usa verf di azeta cu a tuma mas tempo pa wordo kita cu presion. Turistanan cu tabata yega na Bushiribana no por a drenta. Kier a tene nan leu di e quimico y presion di awa cu tabata wordo usa.

Despues di eynan a keda di bay tambe na San Nicolas pasobra parce na Sero Colorado direccion Baby Beach tambe a pone mensahenan similar varios caminda.

- Advertisement -

DUNA COMENTARIO

Please enter your comment!
Please enter your name here