Home General DOW kier recorda automobilistanan riba cambionan den trafico for di entrante awe

DOW kier recorda automobilistanan riba cambionan den trafico for di entrante awe

87
0
SHARE
- Advertisement -

Riba e ruta pa Super Food en conexion cu trahamento rotonde:

ORANJESTAD (AAN) – Minister di Infrastructura y Medio Ambiente, y Director di DOW, kier a recorda nos comunidad tocante e ceramento di e caminda pa bay Super Food.

Ing. Marlon Croes, director di DOW, a trece dilanti cu Diahuebs siman pasa a haci trabaonan di ceramento di e cruzada di Super Food, y a hacie segun e deseonan di e contratista, treciendo diferente ruta alternativa acerca.

Hopi lihe hopi critica a drenta DOW, pasobra e trafico a congestiona formalmente. A raiz di esaki den oranan di anochi y despues di a contacta e minister, DOW a papia cu e contratista, pa wak kico ta e mihor manera pa soluciona e problema.

Ing. Croes a declara cu e contratista su intencion tabata pa tene e periodo di construccion hopi cortico y cera full e area pa trafico, pa asina e por traha e rotonde y tur e camindanan cu ta bay na dje pa un periodo di tres luna.

E solucion ta esaki: Sasakiweg tin dos via. Esaki ta dos line cu ta bay Noord y dos cu ta bay Zuid. A opta pa cera esun cu ta bay Zuid parti pabao pa nan por construi e rotonde por completo.

Esaki kiermen cu line banda pariba lo wordo uza pa e trafico. Asina un line ta bay Noord y un ta bin Zuid riba e mesun caretera. Esaki ta wordo introduci awe pa asina crea rutanan alternativo ademas di esnan cu a wordo crea siman pasa caba, esaki ta un capacidad extra.

Pues, na lugar di bay for di dos line pa bay bin, awor ta bira un pa bay un pa bin. Kiermen mester ta conciente cu ta bay tin stagnacion, pero e ta bay ta menos cu siman pasa. Esaki semper cu e trafico lo mester bay ahusta na e cambionan pa por custumbra cune. A pidi ayudo di Cuerpo Policial ora di cera e caminda pa yuda cu e fluho di trafico riba un transicion pa e bira mas facil y sin problema.

- Advertisement -

DUNA COMENTARIO

Please enter your comment!
Please enter your name here