Home General DOW y Minister lo bin cu un registracion di Ingeniero y Arkitectonan

DOW y Minister lo bin cu un registracion di Ingeniero y Arkitectonan

33
0
SHARE
- Advertisement -

Pa proteha nos profesionalnan y garantiza calidad di mapa:

ORANJESTAD (AAN) – Ing. Marlon Croes, director di Departamento di Obranan Publico (DOW) den conferencia di prensa, Diaranzon mainta na Bestuurskantoor, a splica tocante e cambio di procedure cu ta tumando lugar den DOW.

Pa cuminza nan ta bay inventariza nan puntonan debil den e organizacion, di cual un ta e “constructieberekening” (calculo di construccion) cu ta un di e dolornan di cabes di mas grandi cu tin e ultimo añanan, ademas di e capacidad.

Director di DOW a comenta cu loke nan a haci e luna y simannan cu a pasa ta, purba di cubri 95% di e “constructieberekeningnan” via tabel.

E concepto di berekening nan a transforme hinca nan den tabelnan pa ora e mapa drenta na DOW, no ta e constructor so por mire pero un “tweede medewerker” tambe ta wak esey pa wak si ta cumpli cu e normanan. Despues di a splica mas tocante e aspecto tecnico, el a menciona cu lo bay duna training den e mesun departamento pa con pa uza e tabel y tambe na e Ingenieronan pafo di DOW y e contratistanan.

Ademas lo informa tur stakeholders manera FCCA, banconan, etc., con esaki ta traha pa asina por facilita e proceso di bouwvergunning.

Tambe lo informa tocante con pa entrega un mapa, cu ta un polemica cu tin di hopi aña, y cu ta causa discusionnan innecesario entre esun cu ta pinta e mapa, e peticionario y DOW.

Nan a simplifica e mapa y ora esaki wordo entrega y ta cumpli cu tur e rekisitonan e ta drenta den e sistema, y si no ta asina y algo falta pa drecha mester haci esaki prome cu e por drenta den e sistema. Esaki ta facilita e cliente y DOW tambe. E proceso aki tambe lo wordo digitaliza pa tin un sistema di maneho di documento. Asina lo garantiza pa e fluho di documento pa haya un bouwvergunning bay mas facil y mas simple pa evita perdemento di file den e organizacion.

Ing. Marlon Croes a indica tambe cu ora e calidad di e mapa no ta bon traha, esaki ta duna DOW dolor di cabes y trahamento di carta.

Pesey a propone e minister pa institui un registracion di Arkitecto na Aruba, y e minister a bay di acuerdo tambe. Esaki ta nifica cu pa entrega un mapa na DOW e Arkitecto mester ta registra. Asina e ta garantiza e calidad di e mapa cu ta drenta na DOW segun e protocol cu nan a traha, y ta proteha e ingenieronan local contra esnan cu ta bin di afo cu lo no por traha segun e criterionan di su pais, pero esnan cu Aruba ta traha cune, cu ta e normanan Hulandes y Mericano.

Tambe asina ta proteha e mercado local cu uso di nos Arkitectonan, alavez cu ta garantiza e calidad di e mapanan y duna realze pa e mapanan bay mas lihe.

- Advertisement -

DUNA COMENTARIO

Please enter your comment!
Please enter your name here