Home Parlamento Drs. Mervin Wyatt-Ras cu palabra di elogio pa trahadornan social den cuadro...

Drs. Mervin Wyatt-Ras cu palabra di elogio pa trahadornan social den cuadro di e dia mundial di trabao social

29
0
SHARE
- Advertisement -

ORANJESTAD (AAN): Parlamentario drs. Mervin Wyatt-Ras, durante conferencia di prensa di fraccion di AVP, a trece su aprecio padilanti pa cada trahador social den cuadro di dia internacional di trabao social.

Un trahador social ta un profesional cu tin empatia y cu ta skucha tur loke su cliente ta trece padilanti y hunto cu e cliente ta busca formanan pa atende cu loke e cliente ta trece padilanti. Na diferente instancia y fundacion tin trahador social ta traha cu ta atende cu nos hendenan cu deficiencia, nos grandinan, esnan cu ta den adiccion, hende muhernan den dificultad,  mucha y hobennan (na school) cu  problema psycho-social of cu ta den situacion di abuso y maltrato ademas mayornan cu tin problema cu otro y/of cu educacion di nan yiu.

E ta rekeri di e trahador un cierto actitud of un “grondhouding”. Na Aruba gobierno recientemente a inverti den coloca trahadornan social den un cantidad di schoolnan door di cual e muchanan por acudi mas liher pa nan problema cerca un yudado. Alavez a fortifica a base di e maneho integral di hubentud diferente formanan di attend cu hubentud y tambe e asina yama buro Sostene Mi.

Durante tratamento di nos Codigo Civil cu a ser aproba na aña 2016 Wyatt-Ras hunto cu su coleganan a boga pa cambio pa fortifica existencia di dicho buro den ley y door di un mocion den Parlamento durante tratamento di presupuesto a dicidi di amplia e cantidad di trahadornan pa atende cu casonan di abuso y maltrato door di buro Sostene Mi como meld- y adviespunt.

Sin embargo e peticion pa ayudo social ta keda crece en bista tambe cu nos comunidad a cambia, constelacion familiar tambe a cambia y e forma di educa tambe a evolua pa uno mas liberal. Mayornan di awendia cu ta traha contrario na mayornan di antes mester competi cu influencia di internet, medionan di comunicacion y tempo disponibel. Ademas awendia alcohol y droga ta hopi mas accesibel pa nos hobennan. Den tur esaki tin mas peticion pa guia di trahador social. Esaki ta un reto pa nos comunidad y trabao social. E Parlamentario ta felicita trahadornan social y desea tur hopi forza cu e retonan nos dilanti.

- Advertisement -

DUNA COMENTARIO

Please enter your comment!
Please enter your name here