Home General DUCAPRO lo tin control solamente riba e uzo comercial di cantica di...

DUCAPRO lo tin control solamente riba e uzo comercial di cantica di e artistanan

76
0
SHARE
- Advertisement -

ORANJESTAD(AAN)– E organisacion local DUCAPRO, hunto cu Bufete di Abogado DKLegal a haci un invitacion na Steven Ambers, Director International Business Development & Compliance di e compania SOCAN pa tene un charla na Aruba.

Esaki despues cu e dos organisacionnan aki y e asociacion local di musico y artistanan a yega na un acuerdo pa traha hunto y logra cu radio-emisoranan ta paga “royalties”, tanto na artistanan local como internacional pa toca nan cancionnan.

El a sinti cu e anochi tabata uno toch cu resultado bon, despues cu el a splica kico tur artistanan y ta haci, gastonan cu nan tin y pa cual ta necesario cobra “royalties” na esnan cu kier haci uzo di nan obranan a base comercial.

DUCAPRO ta bay ta un organisacion similar na loke SOCAN ta haci na Canada, pero ta trahando riba e islanan Hulandes. Nan lo percura pa e artistanan local por cobra nan “royalties” y na di dos luga, cu e artistanan local ta haya pago tambe pa nan cancionnan cu ta wordo toca internacionalmente.

El a splica cu ta bay tin control solamente riba e uzo comercial di cantica di e artistanan. Pues un persona por toca e musica na su cas of den su auto sin problema. Tin un sistema special pa monitor y por ehempel na Europa, tin un suma fiho cu ta wordo paga pa conciertonan.

Tin diferente forma pa cobra, por ehempel cen pa cantica of un fraccion di e entradanan di e propaganda. Y e artistanan ta wordo a paga riba un base anual. No tin miedo pa tin miedo pa pago di “royalties”, e suma no ta grandi manera e palabra ta insinua.

- Advertisement -

DUNA COMENTARIO

Please enter your comment!
Please enter your name here