Home Gobierno E asunto di containernan di Serlimar ta bay wordo investiga profundamente

E asunto di containernan di Serlimar ta bay wordo investiga profundamente

60
0
SHARE
- Advertisement -

Minister di Medio Ambiente:

ORANJESTAD  (AAN): Dialuna durante un conferencia di prensa, Minister Otmar Oduber di Infrastructura y Medio Ambiente, a papia tocante e asunto di Serlimar.

El a indica cu for di Serlimar a scucha cu diferente accion a tuma lugar, mientras cu el a ripara cu a purba di bruha tera tambe.

“Locual a tuma lugar y mi a wordo notifica di esaki door di gerencia di Serlimar, ta entre otro cu e situacion cu Serlimar tabata aden prome cu e gobierno nobo a tuma over, ta cu tabata tin casi 8 miyon florin di placa di empleadonan cu a wordo wanta aden y no a wordo traspasa pa loonbelasting, AZV etc”.

“Banda di esaki tabata tin un cantidad di contrato na Serlimar cu no tabata cuadra cu bon gobernacion y transparencia”.

“Un cantidad di material tabata wordo cumpra, sin cu nan a pasa via un destaho publico”.

Esaki segun Oduber, kende a indica cu den cierto casonan te hasta tabata privilegia cierto hende cu ta traha den e compania of tabata wordo permiti di hasi negoshi den Serlimar.

Lo tabata tin tambe un cantidad di container comercial pa cual normalmente mester di un contrato, cu tabata wordo uza sin cera un contrato oficial.

E containernan aki tabata wordo ubica na cas di cierto personanan.

“E accion cu a tuma lugar recientemente, tabata uno den cual Serlimar a bay recoge tur e containernan aki cu no tabata tin un contrato”.

“Esaki ta bay bira parti di e investigacion cu ta bay tuma lugar eyden, pasobra a resulta cu ya caba nan por a tuma nota di diferente hende cu nan tabata paga, pero e placa no tabata yega Serlimar”.

“Aparentemente tabata huur e containernan aki na hende, sin cu esaki tabata wordo administra na Serlimar, unda cu te hasta a haya invoice-nan cu logo di Serlimar, pero e number di invoice no ta aparece den Serlimar”, segun Oduber.

Tur esaki ta bay ta parti di e investigacion.

- Advertisement -

DUNA COMENTARIO

Please enter your comment!
Please enter your name here