Home Policial E lo no entrega combate y no lo bolbe cerca “Maduro”

E lo no entrega combate y no lo bolbe cerca “Maduro”

44
0
SHARE
- Advertisement -

Mester Mat’e:

ORANJESTAD (AAN): Tabata diamars pasa di 1:30 marduga patruya ta altura di Moomba Beach relaciona orario pa sera. Na yegada patruya a constata cu Moomba Beach ta sera y tabatin algun bishitante riba parkinglot.

Polis a wak tambe un Chevrolet Corsa color cora y ta para tres hende homber na e vehiculo. Pero, ora cu e trio aki a wak polis nan a drenta den e vehiculo. Patruya a continua cu nan vigilancia direccion “The Village” pa controla asina e otro localidadnan.

Durante e control e patruya ta wak e auto en cuestion ta bay bini riba e strip di hotel. Altura di I Love Aruba Store polis ta wak un homber ta papia cu dos hende muher. E homber ta para banda di e Chevrolet Corsa cu ta staciona na entrada  di Hotel Barcelo.

Polisnan a dicidi pa controla e vehiculo abase cu no ta confia e situacion. E personanan ta actua sospechoso y nan ta core varios biaha bay bini riba strip di hotel. Ora cu e chofer di e vehiculo en cuestion a nota cu e auto patruya ta birando el a aleha mesora den direccion pariba.

Polis a duna chofer señal pa para y e manehador a cumpli cu e ordo. Ora polis ta papia cu e homber nan a constata cu e ta  comprende nada di Papiamento pero solamente Spaño. E chofer no ta por mustra polis ningun identificacion/paspoort  tampoco un indicacion na unda e ta biba.

Ademas e chofer no tin pa por a demostra ni rijbewijs y no por a bisa kico nan ta hasiendo eynan y e mesun pregunta ta valido pa e dos otro ocupantenan.

E chofer a wordo detene pa 01:55 di marduga y durante e detencion di e  chofer, un di e ocupantenan a sali bay na careda direccion panort. Un di e agentenan na pia a bay tras de homber na careda. Na mesun momento a surgi cerca e polisnan cu e hombernan lo a comete un que otro actonan castigabel.

Mientras tanto e polis a logra pa tene e homber altura di “Fisher and More”, e homber a trata cu su mokete drechi pa dal e agentenan y el a expresa cu (polis) mester mat’e debi cu e lo no entrega su “Combate” y e lo no bolbe cerca “Maduro”.

Despues di luchamento sla a cay na ambos banda e polis a logra domina e homber y na mesun momento refuerzo a yega y asina tambe polis a logra boei e homber. Durante e detencionnan polis a wak un homber sinta na Parada di Bus actua nervioso y e ta papiando na celular.

Polisnan a reconoce e homber cu mas prome tabata papia cu e hombernan den auto cora na entrada na Barcelo Hotel. Polis a atende e homber y e ta declara cu e auto ta pretence na su persona y e hombernan ta su bisiña.

Version di e homber aki ta dudoso y e homber ta nervioso durante e combersacion. Riba e sienta atras den e auto polisnan a wak un saco papel color maron cu diferente bulto di dollars. Relaciona di locual polisnan a constata nan pidi e homber si e no tin contra pa control un que otro den e vehiculo y e homber no tin nada contra.

Den e auto polis fuera bulto di dollars a haya un rugtas cual ta contene diferente prenda, ademas handschoennan, pinsnan y herment. E homber no por a splica, bisa polisnan si esaki na ta tur.

Relaciona cu esaki tanto chofer y doño auto a wordo detene y tur cuarter detenidonan a wordo transporta pa warda polis Shaba y nan a wordo  presenta dilanti fiscal auxiliar. Locual ta e auto y lo demas articulonan a wordo confisca pa lo demas investigacion.

 

 

- Advertisement -

DUNA COMENTARIO

Please enter your comment!
Please enter your name here