Home Deporte E prome KLM Aruba Marathon lo ta dia 3 di Juni

E prome KLM Aruba Marathon lo ta dia 3 di Juni

54
0
SHARE
- Advertisement -

ORANJESTAD (AAN)-  Dialuna atardi tabata tin un conferencia di prensa na Ritz Carlton caminda e organizador Sr. Muiswinkel hunto cu representantenan di e sponsornan di e evento a anuncia cu nan lo bay tene e prome KLM Marathon na Aruba y esaki lo bay tuma lugar dia 3 di Juni venidero.

Sr. Muiswinkel a bisa cu e proyecto KLM Marathon ya caba ta wordo organiza pa 4 aña na Corsow y esaki lo ta e prome aña cu nan ta lanze pa Aruba.  E marathon lo conta cu cuatro distancia y lo tin chens pa gana un premio grandi cu ta un pasashi Aruba-Amsterdam.

E 42.k ta start pa 3.30 di marduga, e 21.k ta start 5.30 di mainta, e 10k (cana of core) ta start  7’or di mainta y e 5 km (cana of core) ta start 7.30 di mainta. E ruta ta “AIMS/IAAF certified”.  E intencion tabata pa mantene na un limite di 1500 participacion pero mirando e entusiasmo caba caminda tin mas di 500 persona inscribi caba a dicidi di aumenta e limite na 2000 participante.

Pa e evento aki tambe dia 3 di Juni, lo bay conta cu coredornan special cu a yega di core varios marathon caba rond mundo. E interes cerca coredornan di exterior ta sumamente grandi pa e evento aki.

Cada participante lo ricibi un bib number, un medaya conmemorativo, un t-shirt di e evento y e acceso na e “tracking app”. E start y finish ta na Marriott Resort y na Ritz Carlton. Pa mas informacion di e evento aki por bay riba e website www.klmarubamarathon.com.

- Advertisement -

DUNA COMENTARIO

Please enter your comment!
Please enter your name here