Home Tempo Esaki ta e motibo di con atardi nivel di lama ta asina...

Esaki ta e motibo di con atardi nivel di lama ta asina abao

172
0
SHARE
- Advertisement -

ORANJESTAD (AAN): Den edicion di Dialuna caba, DIARIO a duna un splicacion, suministra danki cu asistencia di Meteo Curacao, riba loke ta pasando y di con nivel di lama ta asina abao den oranan di atardi.

E contesta simple ta, cu e presion atmosferico ta pushando lama abao y baha su nivel.

Desde fin di siman caba, por a mira un fenomeno raro specialmente na costa pabao di Aruba.  Lama a djis sak bastante!  E area panort di Fisherman’s Huts cu semper tabata conoci como “Santana di Tarai”, a bira hopi seco mes.  Hendenan ta cana eyriba na pia, enbusca di cocolishi.  Diasabra ultimo, DIARIO a mira hendenan cu hemchi yen-yen ta sali di lama.

Kico a ocasiona esaki?  E tin di haber cu e situacion astronomico, ta cu solo, tera, y luna ta traha un angulo di 90 grado.  Pesey mes, aworaki por ehemplo lama cu ta cerca di equator ta mas abao.  Y aki den Caribe bo ta haya e dianan aki cu marea halto ta mainta, y atardi e marea ta abao.  Loke adicional a bin acerca, ta e presion di aire cu ta mas fuerte cu normal.

Desde 23 di Februari 2018, e presion di aire rond Aruba ta asina fuerte, cu e ta “primi y pusha” e nivel di lama pa e bay mas abao.  Esey a pone di con den fin di siman, e nivel di lama ta basta abao, y cu e beachnan di Aruba a bira ‘mas largo’.

Presion halto di atmosfera tin mas efecto tambe, no djis riba lama.  Por ehemplo ora bo ta horna un bolo, e presion atmosferico ta ‘pushando’ mas duro riba e bolo y e lo no laga e bolo reis mas.  Pastry chefs pesey sa, cu ora cu ora awa ta yobiendo y presion atmosferico ta abao, cu bo bolo den forno lo reis mucho mas.  Pero ora presion atmosferico ta halto, e ta stroba bo bolo di reis.

Mescos ta pasando cu lama.  E presion ta asina halto e dianan aki, cu e ta hasta pusha e lama bay abao, y e nivel ta baha.

 

- Advertisement -

DUNA COMENTARIO

Please enter your comment!
Please enter your name here