Home Gobierno Exitoso Conferencia riba Dia Internacional di Hende Muher

Exitoso Conferencia riba Dia Internacional di Hende Muher

128
0
SHARE
- Advertisement -

ORANJESTAD (AAN): Diahuebs Renaissance Convention Center tabata yen di hende muher y algun cabayero pa experencia un Conferencia excepcional y exitoso dedica na e ser femenio riba Dia Internacional di Hende Muher.  Mundialmente ta celebra 8 di maart pa duna reconocemento na hende muhe pa e logronan obteni den tur aspecto, entre otro den economia, cultura y politica.

Gobierno di Aruba ta reconoce e progreso di hende muhe na Aruba den e ultimo añanan y cu honor a organiza un dia pa brinda gratitud y duna elogio na tur hende muhe riba nos isla. ‘Briya den bo zapato y cana pa progreso’ tabata e tema trata durante e mainta di diahuebs na unda cu tur orador a curasha tur presente pa no laga nada stroba nan progreso pa briya cada dia mas.

E flamante Carolina Albertsz a dirigi e Conferencia di Hende Muhe na un forma hopi coordina. Oradornan invita pa e mainta tabata señora Varelie Croes, Chief Innovation Officer pa Gobierno di Aruba, Maite Delgado, empresaria y presentador reconoci den America Latina, Paula Kibbelaar, escritora di diferente buki, sra Ella Tromp Yarzagaray, ex Minister Plenipotenciario, Minister Xiomara Ruiz-Maduro, Prome Minister Evelyn Wever-Croes y un invitado special for di nos hermana Isla Curaçao, señora Maria Liberia Peters.

Tabata tin dos discusion di panel cu temanan di actualidad cu a capta atencion di e publico. Dr. Louise Rafael Croes, sra Marylou de Windt y sra Maria Carasquilla a elabora riba e situacion social na Aruba. E puntonan cu cada un a trece dilanti a inspira e publico presente pa ta muhernan den nos comunidad cu ta reconoce necesidadnan di esnan cu no por defende nan mes y pa tin e curashi pa yuda unda tin mester.

Pa e panel riba e tema politico, Parlamentario sra Jennifer Reyes, Parlamentario sra Marisol Lopez-Tromp y Prome Minister sra Evelyn Wever-Croes a expresa nan experiencianan como hende muhe den politica y e diferencia entre e homber politico y e hende muhe politico.

‘Briya den bo sapato y cana pa progreso’ tabata exitoso y a clausura cu palabranan di encurashamento di Prome Minister Evelyn Wever-Croes kende a laga atras un mensahe pa tur presente bay cas mas inspira y cu e deseo di sigui hiba e mensahe cu Gobierno ta bin cu e cambio pasobra esaki ta algo cu nos debe na nos yiunan y nan yiunan.

- Advertisement -

DUNA COMENTARIO

Please enter your comment!
Please enter your name here