ORANJESTAD (AAN): Diasabra 31 di Maart e evento di Experience San Nicolas lo ofrece publico un bes mas un great programacion dedica na e celebracion di Pasco grandi.
Dorna e mesa di come e Pasco Grandi aki cu un Egg Holder cu abo a pinta. Na Cosecha San Nicolas por registra pa un workshop creativo unda bo lo pinta un Egg Holder bou di guia di e artesana Romelinda Maldonado.
Romelinda lo duna un demostracion di con por traha e Egg Holder aki cu material recicla. Workshop lo ta di 11.00 am – 12.30 pm.
Na Museum of Industry tambe lo bay tin un Easter Edition Storytelling na e museo cu lo consisti di pintamento, buskeda di webo y contamento di storia pa mucha. Mayornan y tur otro bishitante por haci un tour den e museo. Autornan invita lo ta Tanchi Thania y Richard Dabian cu di un manera dibertido lo deleita tur mucha cu cuentanan inspirativo.
Roy ta warda tur hende pasa bishite na Community Museum (banda di CMB San Nicolas) pa un tour bek den tempo. Probecha e dia aki pa pasa un rato ameno den famia y siña mas over di nos herencia cultural.Participants are also welcome to bring their own material like plastic/carton/paper/decorative appliques.
E edicion di Experience San Nicolas aki, por bin descubri e ciudad di San Nicolas y den tema di Pasco Grandi door di participa cu e actividad di Scavenger Hunt. E speurtocht aki ta un fun activity pa famia y amigonan. Sera bo team y registra na experiencesn@gmail.com. E speurtocht ta cuminsa na Cosecha San Nicolas, na B v/d Veen Zeppenfeldtstraat 20, den Promenade. E actividad aki ta di
09.30 am – 11.00 am.
