Home Social FADA presente un biaha mas den Aruba Doet

FADA presente un biaha mas den Aruba Doet

7
0
SHARE
- Advertisement -

ORANJESTAD (AAN) — Rulienne Arends, Trahado Preventivo na Fundacion Anti Droga Aruba, un biaha mas ta presente den Aruba Doet. Sra. Rulienne Arends ta elabora riba e proyecto aki.

FADA a dicidi di bin cu e campaña Amigo DIDI, cu ta un campaña conoci. Nan a dicidi di na lugar di bin cu billboard, e aña aki a bin cu e iniciativa pa duna mayor forza na e campaña amigo DIDI y asina lo verf e logo su  na diferente muraya, na diferente spot rond di Aruba.

Meta di FADA tabata pa a haya 3 spot, pero nan a logra 4, y nan ta hopi satisfecho pa cu esaki. Sra. Arends a duna danki na persona y companianan cu a contribui di un of otro forma cu e proyecto. A verf e logo di amigo DIDI riba e veld di Club Estrella na Santa Cruz, muraya di cas di Leonardo (tambe na Santa Cruz), muraya di edificio di FTA na rotonde di FTA y pa ultimo tambe nan a logra haya e cooperacion di e doñonan di e gasoline station na Seroe Blanco.

Asina poco a poco e proyecto aki lo keda crece y lo por crea mayor conciencia kizas, caminda cu e campaña lo keda henter aña di e forma aki, ariba iniciativa di team di FADA. Fundacion Arte Sano tambe a duna su cooperacion na FADA mirando cu nan ta contribui tambe den parti di prevencion di adiccion y nan lo sirbi como guia pa esun cu ta busca rehabilitacion, unda nan a duna ayudo den forma di educacion den arte anto di e manera aki Fundacion Arte Sano tambe ta den e proyecto.

Por ultimo, Sra. Arends a duna un danki special na Sr. George Lopez kende a traha e diseño di e arte di e logo pa FADA den un forma gratuito.

Masha pabien pa e iniciativa di FADA unda cu nan a logra pinta mas di 10 muraya cu e bon boluntad y e intencion di keda promove e campaña di amigo DIDI na Aruba.

 

- Advertisement -

DUNA COMENTARIO

Please enter your comment!
Please enter your name here