Home Actividad Especial Fat Joe, Alborosie, Beenieman, Karol G y Jeon confirma pa Flip Flop...

Fat Joe, Alborosie, Beenieman, Karol G y Jeon confirma pa Flip Flop 2018

44
0
SHARE
- Advertisement -

Dianan 28, 29 y 30 di April na Bushiri Beach

ORANJESTAD (AAN): E di 8 edicion di Flip Flop Festival ta priminti di bay kibra tur expectativa compara cu e edicion di aña pasa. Diahuebs atardi PR Mark Benson Denz a anuncia e artistanan confirma cual ta den e genero di Rap/HipHop, Reggae, y Reggaeton. Ta trata aki di Fat Joe, Alborosie, Beenieman, Karol G y Jeon.

Tur cos lo tuma luga durante transcurso di tres dia. Diasabra 28 di April 2018 Opening Party na Emotions Night Club. Diadomingo 29 di April 2018 Pool Party na Aruba Renaissance Hotel y e anochi di concierto lo ta dialuna 30 di April 2018. E siguiente dia lo ta un dia liber nacional ( Dia di Obrero ). Remarcabel ta cu e aña aki tin mas genero musical riba stage cu lo atrae un publico mas grandi cu añanan anterior.

Na e momentonan aki tin riba mercado menos di 100 carchi den e categoria di “Early Bird” mirando cu e “Super Early Bird” ya a caba. E carchinan ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Ora e carchinan aki caba e prijs lo subi. Diabierna lo sali na benta tambe e carchinan pa seccion di Standing VIP Weekend Pass y Mesa cual lo duna e persona acceso na tur tres dia di evento.  Lo por cumpra carchi online tambe via di www.flip-flopfestival.com

Durante e rueda di prensa patrocinadonan manera Cerbes Chill, Digicel y Aruba Renaissance Hotel a duna di conoce cu lo tin diferente campaña unda cu lo por bay gana carchinan pa ta presente na e actividadnan di Flip Flop Festival 2018.

Importante pa menciona ta cu inicialmente e anochi di concierto tabata programa pa diasabra 28 di april. Pero esaki a cambia pa dia 30 di April. Tur hende cu tin carchi pa e concierto cu ta indica dia 28 di April por uza e mesun carchi pa drenta e concierto dia 30 di April.   Den e siguiente simannan lo elabora mas amplio riba e Carera musical di e diferente artistanan cu lo ta parti di Flip Flop 2018 na Bushiri Beach.

- Advertisement -

DUNA COMENTARIO

Please enter your comment!
Please enter your name here