Home Policial Flex Team a tene 133 control y varios detencion a tuma lugar

Flex Team a tene 133 control y varios detencion a tuma lugar

99
0
SHARE
- Advertisement -

ORANJESTAD   (AAN):   Diasabra 24 FebruarI 2018 anochi pa 22:50 patruya Flex Team tabata den Vis straat pabao di un cas den Ranchostraat  nan ta wak un Nissan shinishi modelo March cu ta staciona na banda robez di e cura.

Pafor di e auto na banda chofer ta para e mucha hombernan conoci di inicial H. S. y P. Pero oranan a nota presencia di polis nan a core direccion di un cas den Rancho straat y nan a drenta den e cas y sconde.

Durante investigacion na curpa di chofer cual e ta conoci pa polis a wordo haya den su saco carson banda robez un hos preto imprimi “IPOP” den cual tin tres pildo parecido na pildo nan “XTC”.

E hoes preto imprimi “IPOP” contene e tres pildo parecido na XTC a wordo confisca pa mas investigacion.

E mucha homber inicial H. a wordo detene como sospechoso di violacion di ley di droga.

Diadomingo 25 februari 2018  pa alrededor di 03:15 di marduga patruya special aki ta patruya den Vis straat.  Yegando na e cruzada forma pa Visstraat y Avenida Alo Tromp polisnan ta wak e conocido T. para altura di Avenida Alo Tromp.

Mesora polis a baha abao pa acerca T. y aki polis a wak e ta algo duro tene den su man robez . Den pasado T a wordo detene relaciona cu violacion di ley di droga. Polis a puntra T. pa e habri su man y el a siguie ordo y den e man robez polis a wak cinco florin largo, un lighter cora, un saco plastic transparente cu ta contene cantidad chikito di puiro blanco parecido na cocaina.

Polis a confisca substancia pa mas investigacion. E sospechoso T. a wordo aresta como sospechoso di a viola ley di droga.

Control na night club tabata masha trankil e recorte ta menciona. E asina yama “Check Spot” control  aki tin diferente auto a wordo controla y cierto cantidad chikito di marihuana, saco cocaine, algun piedra cocaine, skernan, cuchionan, ademas a descubri aparato pa mula marihuana y tur esakinan a wordo confisca.

E  recorte di “FLEX TEAM” pa finalisa, a menciona cu nan a tene un total di 133 control. Siman pasa 5 detencion a tuma lugar, cual 3 ta pa violacion di ley di droga y dos pa viola derecho penal. Adhunto potret locual a wordo confisca.

 

- Advertisement -

DUNA COMENTARIO

Please enter your comment!
Please enter your name here