Home Gobierno Gender Verordening lo cay den e MB bao autoridad di Bureau City...

Gender Verordening lo cay den e MB bao autoridad di Bureau City Inspector

7
0
SHARE
- Advertisement -

ORANJESTAD (AAN) – Minister di Infrastructura y Medio Ambiente, señor Otmar Oduber, den conferencia di prensa relaciona cu e instalacion di un Task Force cu lo actua ampara bao un Ministeriele Beschikking reforza pa un Landsbesluit, a subraya tambe cu banda di esaki tin e Gender Verordening.

“Nos tur ta mira cu ultimamente, ta dificil den e tarea importante y amplio cu Cuerpo Policial tin y e otro departamentonan, hopi biaha ta perde pa motibo di trabaonan hopi mas grandi, e atencion riba e aspectonan aki.

Kiermen, e ley di Gender Verordening tambe lo ta ancra den e MB aki y e Landsbesluit pa por actua riba dje, na e Departamento di City Inspector”, e dignatario a subraya.

Gender Verordening ta un ley cu a pasa den Parlamento y tin hopi critica riba dje, pasobra enberdad leynan ta pasa pero no ta ekipa pa duna autoridad pa controlnan tuma lugar, y den e caso aki tambe e lo cay bao Departamento di City Inspector.

E mandatario a agrega cu tin hopi mas ley na caminda riba tereno di medio ambiente, por ehemplo un cu nan ta bezig na e momentonan aki, cu ta prohibi uso di foam box y tur otro material dañino y pa nos bida marino. Nan lo wordo prohibi di tal forma cu lo mester uza materialnan degradable pa proteha nos lama y nos beachnan. Esaki lo worde stipula den tur permiso cu lo wordo otorga na restaurantnan, bar, y tur hende cu ta haci actividadnan riba beach. Y e tipo di Bizonder Wetgeving aki, lo cay bao e hurisdiccion di City Inspector.

E mandatario a subraya cu esaki ta un momento special. E Task Force lo raporta na tanto Minister di Husticia como su persona, pa di e forma aki tambe tin e autoridad pa por actua, y ora di papia por ehemplo di saconan di plastic unda a bin un ley pero no a sigui, ya cu no tin control debi riba e materialnan ey, habitantenan cu ta tira awa riba caminda, barionan unda un hende por tin un tereno propiedad pero riba dje a crea un dump ilegal, cu ta trece un molester no solamente pa e mahos bista pero pa salud den e bario, y tur e articulonan den e ley ta dunando autoridad na City Inspector aworaki.

E mandatario a anuncia cu for di entrante 2 di April venidero lo tin un meldpunt cerca City Inspector, y esaki lo wordo haci atravez di medionan di campaña di concientizacion den nos comunidad, cu tur loke tin di haber den e caso aki cu e inspeccion cu lo mester tuma lugar riba leynan cu tin di haber cu nos naturaleza y medio ambiente, por wordo denuncia y lo wordo atendi cune.

Por entrega keho si tin maltrato di animal y si tin comerciantenan cu ainda ta haci uso di saconan di plastico, of otro cosnan contra di e ley di nos medio ambiente, of si tin hende ta tira awa di riolering riba caminda, entre cualkier otro infraccion keho por wordo duna.

 

- Advertisement -

DUNA COMENTARIO

Please enter your comment!
Please enter your name here