Home Gobierno Gobierno a cancela e “Green Conference” pasobra no tabata beneficia pueblo

Gobierno a cancela e “Green Conference” pasobra no tabata beneficia pueblo

1218
0
SHARE
- Advertisement -

Richard Eman, Hunta di Comisario di Utilities:

ORANJESTAD  (AAN):   Richard Eman, miembro di Raad van Commisaris (Hunta di Supervision) di Utilities ta splica cu gobierno, cu ta e accionista principal di Utilities NV, a cancela e Green Conference. Esaki no ta duna e rendimento cu mester.

Tin cu bay wak pa Utilities cu ta e doño di Elmar cu WEB pa bay “back to basic”, pa reduci gasto. Y e tarea principal di gobierno, e unico tarea, ta pa baha prijs di awa y coriente. Esey ta e tarea principal.

Bahando e tarifanan di awa cu coriente ta un manera pa haci’e. Un otro manera pa baha, de facto, e cuenta cu e consumidor ta haya tur luna, ta pa educa e pueblo tambe con pa handle cu awa y coriente.   Kico por haci pa baha prijs, pa baha e consumo. Esey, segun Sr. Eman, ta algo cu mester bay duna atencion na dje.

Un otro ta pa e pueblo ta consciente di uza coriente mas miho, pero e no mester costa nos placa, e mester baha, igual of menos. E meta ta pa na final di luna, e haya un cuenta cu ta mas abao cu awo.

Green Aruba no tabata beneficia e pueblo, sino kisas un grupo so y mas tanto e tabata den direccion pa parti di politica, y cu Utilities NV awor aki lo keda como intermediario cu un rol cu mas enfoca riba e parti di servicio pa comunidad, unda cu tambe mester crea conciencia pa economiza mas cu por.

Finalmente  Sr. Richard Eman, representante di Utilities NV a splica cu tin hopi trabou su dilanti cu proyectonan manera e molinanan di biento, proyecto di energia di solo, di refineria entre otro unda cu nan lo keda haci e estudionan corespondiente y pronto lo tuma algun accionnan pa cu esaki.

 

- Advertisement -

DUNA COMENTARIO

Please enter your comment!
Please enter your name here