Home Gobierno Gobierno ta insisti cu denuncia di hortamento di ekipo tabatin nada di...

Gobierno ta insisti cu denuncia di hortamento di ekipo tabatin nada di haber cu persecusion politico

108
0
SHARE
- Advertisement -

ORANJESTAD(AAN) — Un di e retonan cu Gabinete Wever-Croes a encontra 3 luna pasa na momento cu a tuma over gobernacion, tabata e traspaso caotico di e gobierno anterior. Mesora a constata cu falta hopi ekipo, entre otro customized iMac, customized computers, laptop, iPad, y camaranan. Esakinan ta ekiponan caro y cu ta worde uza pa conferencia di prensa.

Gobierno a entrega keho contra esaki mirando cu esakinan a worde cumpra cu placa di pueblo. Por lo tanto, tur cos mester a worde laga atras pa e siguiente gobernacion. Sinembargo, mesora gobierno a worde acusa di ta haciendo persecucion politico door di e prensa mas bien liga na e gobierno anterior.

Ta di enfatisa cu ningun momento ta trata aki di persecusion politico mas bien Gobierno a haci su trabao di entrega keho manera ta normal den tur caso ora cu articulonan worde horta.

Manera DIARIO a relata caba den su edicion di Diamars, despues cu investigacionnan a cuminsa, algun di e ekiponan aki a worde haya back. Varios coordinador di e gobierno anterior a trece nan back.

Pero toch a keda varios ekipo cu no a bin back. Un coordinador di AVP e tempo ey hasta a worde deteni . Y e investigacion riba e entrada hudicial di e caso di coordinador di AVP aki a continua.
Dialuna a habri cu e noticia cu Recherche a yama pa entrega articulonan haya cu ta pertenece na e gobierno for di e caso di e entrada hudicial di un ex coordinador.

Banda di esaki, tambe a recobra articulonan entrega na Directie Financien pa coordinadornan di e gobierno anterior.

Ta di lamenta cu e Gobierno di Mike Eman a permiti esaki pasa y laga nan trahadornan hiba ekiponan cu ta pertenece na pueblo. Esaki ta un berguensa cu no por pasa nunca mas den ningun gobernacion.

Gabinete Wever-Croes ta un Gobierno serio y esaki lo worde sinti den tur maneho di e Gobierno aki. Y tur ekipo cu tin y cu lo worde cumpra ta worde registra debidamente. Bon gobernacion ta cuminsa cu orden y respet, segun un comunicado di prensa di gobierno.

 

- Advertisement -

DUNA COMENTARIO

Please enter your comment!
Please enter your name here