Home Deporte Grupo di coredornan di karting no ta contento cu e situacion presenta

Grupo di coredornan di karting no ta contento cu e situacion presenta

80
0
SHARE
- Advertisement -

ORANJESTAD (AAN)—Ya for di un tempo atras, na diferente oportunidad nos por a tende cu tin un intercambio di opinion entre un grupo di doño y coredornan di karting, contra di e operador di e pista di Karting na Bushiri y cu segun nos a wordo informa, esaki a escala di tal indole, cu a pone e situacion escala y bay para te den man di abogado.

Esaki no solamente a permiti cu e friccion entre e operador (vergunninghouder) y e coredornan uni a bira mas grandi, pero a trece cune, cu mas y mas, e situacion a para bira uno insoportable pa un grupo di e coredornan y doñonan di diferente team di karting.

E asunto a bay te na tal extremo, cu e decision a wordo tuma, door di e grupo di coredornan uni cu no ta di acuerdo cu e cambionan presenta pa e operador di e pista y a bandona Bushiri Karting Speedway, despues di 30 pa 40 aña pushando pa asina e deporte keda na bida y prepara pa e hobennan cu ta cla pa drenta e deporte bunita aki, haya un lugar specialmente destina pa haci tal deporte.

Den combersacion cu algun representante di e team nan cu a dicidi pa sali bay laga e pista, por a tende diferente opinion. Entre e opinionnan tin cu enberdad e operador di e pista, no a saca nan afo di e pista, pero ta debi na e situacion, cu e decision a wordo tuma pa algun coredor, pa saca nan container nan y bay pone esakinan na un otro tereno, sperando di por logra rehabilita e deporte di karting na un otro lugar, pa e coredornan activo di Aruba.

Di e otro banda, nos a haya informacion, cu tin un otro grupo cu si a dicidi pa keda cu nan container ariba e tereno di Bushiri y nan lo continua ta haci uso di e pista, manera cu nan tabata haci ya caba. Un poco siman atras, algun persona a cana e caminda pa pidi e tereno cu ta keda pabou di Drive Inn pa asina construi un pista pa karting, drifting y motocross, pero esaki a wordo nenga, ya cu segun informacion, e tereno a wordo destina pa cria di porco.

Un di e situacion nan cu mas a pisa ariba e problema cu a urgi entre e coredornan uni y e operador di e pista, tabata e reglanan nobo cu a wordo estableci y mas ainda, e posibilidad pa por haci uso di anochi pa por practica, mirando cu na Aruba y sigur den e deporte aki, mayoria pa no bisa tur e mayornan cu tin un yiu ta practica e deporte di karting, ta hendenan cu ta traha den dia y ta anochi nan por hiba nan yiu bay practica karting.

Ta pesey a bringa tanto tempo pa por pone luz pa e pista y awor cu tin luz, e coredornan no ta permiti pa haci uso di e pista den oranan di anochi. Un situacion basta confuso y sigur di lamenta cu un deporte asina bunita y cu ta percura hopi biaha pa Aruba su nomber ta entre e grandinan, ta pasando den un situacion, sigur no mucho agradable.

- Advertisement -

DUNA COMENTARIO

Please enter your comment!
Please enter your name here