Home Salud Holor di gas di diesel na Hospital ta bin debi na Construccion...

Holor di gas di diesel na Hospital ta bin debi na Construccion andando

29
0
SHARE
- Advertisement -

ORANJESTAD(AAN): Hospital ta atendiendo cu e situacion di e holor di diesel, cu segun sindicato ABV ta birando hopi serio pa e salud di e trahadonan. Director financiero di hospital, Theo de Kool, a comenta cu manera ta conoci, for di dialuna a haya problema na Radiologia, unda cu e trahadonan a meld ziek, door di e gasnan cu a acumula den e departamento.

A laga haci algun midimento unda cu nan a haya asistencia di WEB Aruba NV. Ta contento cu WEB por a duna un man. Por a constata cu diamars ya despues di ventila e afdeling, no tabata tin gas den gran cantidad. Diaranson un biaha mas por a confirma esaki y awe, diahuebs, a haci un ultimo control. No a haya gasnan toxico y cu por fin e problema a keda soluciona.

Na e mesun momento, a surgi un problema na e luga temporal di e botica. Ta un problema cu tin ta tumando luga y esey tambe tin di haber cu e bouw, pero tambe tin otro motibonan. E botica mester a worde poni na un luga temporalmente, pero no ta esun adecua. Esey ta nifica cu mester a bin cu un solucion di emergencia pa loke ta e circulacion di aire. Eynan algo lo a bay robes. Awor aki tin aire cu ta worde supla, cu posibel substancianan toxico.

Personal di WEB a pidi mesora pa haci un midi den e botica. A bin parce cu si por tin algun substancianan toxico. Pero esey ta den momentonan piek. Na e momento cu el a haci e midimento, e tabata sigur pa traha eynan. Tabata tin holo si fuerte tumando luga, pero no e substancianan asocia cu e holor. E holor no ta nifica cu e ta dañino, pero si fastioso.

Pa ta sigur pa e empleadonan por traha na un manera sigur, a bin cu un plan pa asina e empleadonan di botica, por traha for di otro luga.

Na momento cu a bay conta esaki na e empleadonan y parti e trabao, e sindicato a manda e empleadonan na Medwork, y ta lamentable. Esey no tabata trabao di e empleadonan. Empleadonan cu tabata sinti nan mes malo, por a meld ziek conforme procedura y lo worde evalua pa Medwork y despues declara AG of AO. No ta keda na e sindicato pa manda hende meld ziek. Ta hopi jammer cu e sindicato no a sigui e canalnan normal y sin delibera, manda un grupo di trahado meld ziek.   Nan no tin autoridad pa haci esaki. E ta hopi fastioso, segun de Kool.

Pa e hecho cu mayoria di e trahadonan di e botica a bay cas, tin un problema. De Kool ta wardando riba e informacion si e empleadonan ta malo y a base di e informacion ey, na comienso di merdia, lo bay evalua con ta bay sigui cu e trahadonan mañan, diabierna.

Tambe a drenta un melding cu lo tabata tin un problema den e compleho di Sala di Operacion. Di biaha a bay wak esaki. E mesun persona di WEB a worde pidi pa haci un meeting. No a resulta cu lo tabata tin substancianan toxico. Por a mira cu e causa tabata hopi simpel. E contratista tabata bezig cu e prome trabaonan riba e compleho nobo di Sala di Operacion Solamente nan a bay para riba dak y na e mesun momento nan tabata bezig cu operacion, ora cu a sinti e holor den e sala. Di biaha a tuma contacto cu e compania y trabaonan a para pa e momento ey. Lo bay analisa esaki y si e problema bin un biaha mas, nan sa e ora kico ta e causa, unda cu nan lo tin cu busca un otro manera pa e contratista haci su trabao.

Sala di Operacion mientras tanto tambe trabaonan a worde pasa. E personal a sali un rato pa tur siguridad, cu no tin nada bay robes y cu no tin substancianan toxico. Mientras tanto, Sala di Operacion  a cuminsa traha back den su normalidad.

Esaki no ta un problema, sino varios. Tur ta bin hunto pasobra ta bezig cu e bouw. Tin un problema structural y esey ta cu e circulacion di aire pa Sala di opercion y Radiologie ta sinta hopi cerca di e uitlaat di e generatornan. E ora tin e riesgo cu nan por chupa aire di diesel. Pero pa awor aki e problema ta soluciona. E problema cu OK mes, no ta mesun cos cu Radiologie. E problema cu e botica, no ta e mesun problema cu e otro dosnan. E tin un otro causa. E ta relaciona na e hecho cu debi na e bouw, cu tin algun problema. Jammer tin algun cos a bay robes den e planning of ehecucion y esey ta loke nan ta bezig ta investigando.

Ta ta percura pa servicio di cuido sigui. Despues lo bay wak kico nan por haci permanentemente. Esey lo por bay dura 2 pa 3 siman, despues cu e director medico bin back, hunto cu SOGA, pa asina haya un solucion permanente pa e problemanan aki.

 

- Advertisement -

DUNA COMENTARIO

Please enter your comment!
Please enter your name here