Home Policial Homber capuchon blauw a tapa “camara”

Homber capuchon blauw a tapa “camara”

31
0
SHARE
- Advertisement -

Cu intencion menos bon

ORANJESTAD (AAN): Situacion ta birando serio pa cual mas y mas ciudadanonan ta tuma medida di seguridad. Entre otro pa busca cacho entrena, hasta gans, instala camara, sistema di alarma pa proteha nan famia.

Dentro di poco apesar cu tin famia caba cu a hisa muraya y a laga poni prikkel draad full rond. Tin cu a pone waya cu ta shock esnan indesea ta purba pa drenta tira para den cas.

Ta asina cu a drenta informe na central di polis, cu lo a constata mei anochi persona sospechoso na un cas den Kanariestraat.

A consecuencia di e informe, central di polis mesora a dirigi patruya policial na e direccion en cuestion. Mientras tanto patruya a acudi un rato despues polis a atende e señora habitante inicial K. y el a declara na e agentenan, cu un hende tabata para dilanti porta cas y e persona desconoci aki ta trata di tapa camara di seguridad cu su man.

E habitante a sigui declara cu e  homber desconoci aki, ta bisti cu “CAPUCHON” color blauw. Mas detaye e señora denunciante K. no por suministra debi cu e homber desconoci a percura pa tapa e camara cu rapidez pa evita e wordo capta y reconoci.

Polis despues di a tuma informe, nan a patruya den e area di Kanariestraat y vecindario buscando e homber cu Capuchon color blauw, pero no a wordo localiza ningun caminda.

- Advertisement -

DUNA COMENTARIO

Please enter your comment!
Please enter your name here