Home Social Hopi exitoso e Conferencia “Briya den bo sapato y cana pa progreso”

Hopi exitoso e Conferencia “Briya den bo sapato y cana pa progreso”

66
0
SHARE
- Advertisement -

ORANJESTAD (AAN) – “Briya den bo sapato y cana pa progreso” tabata e lema di e Conferencia di

Hende Muher” 2018, cu a tuma lugar den Renaissance Convention Center, Diahuebs 8 di Maart, riba Dia Internacional di Hende Muher.

E Conferencia a conta cu varios dama como orador, cu a trece dilanti temanan masha interesante mes.

E introduccion tabata den persona di nos minister di Finanzas y Economia Xiomara Ruiz-Maduro, mientras cu e prome orado tabata Maite Delgado, sigui pa Valerie Croes.

Despues tabata tin presentacion di un panel social. E moderador Amy Richards a encarga cu e preguntanan pa e Pediatra Dra. Louise Rafael, e Nutricionista Mary Lou de Windt y e Trahador Social di Fundacion pa Hende Muher den Dificultad Maria Carrasquilla.

Maria Liberia Peters, considera como un di e mihor prome ministernan di Antiyas Hulandes, prome cu Status Aparte di Aruba y cu desintegracion di Antiyas Hulandes, a duna un tremendo discurso.

Paula Kibbellaar, docente y procedente di Curacao, a hiba un discurso na Ingles den cual a destaca e desaroyo di hende muher den sociedad y den e campo laboral. Kico ta su retonan, e obstaculonan cu e ta haya riba caminda di su progreso y unda su fortalezanan ta pa avanza.

Seguidamente Ella Tromp Yarzagaray a combersa cu Sandra Croes, tocante su trayectoria como docente y como muher den politica cu a vence retonan grandi y cu a logra laga Aruba cu un surplus den caha, ora su periodo den gobierno a termina. Tambe el a fungi como Minister Plenipotenciario na Hulanda y na Aruba como Gobernador Interino.

Despues a presenta un panel cu Valerie Croes como moderador, den cual a participa nos Prome Minister Evelyn Wever-Croes, lider di fraccion di partido POR Marisol Lopez- Tromp y Jennifer Reyes, parlamentario di fraccion di AVP. Nan a elabora riba e tema: Hende Muher den Politica.

Finalmente Premier Wever-Croes a hiba palabra cu un discurso di clausura.

- Advertisement -

DUNA COMENTARIO

Please enter your comment!
Please enter your name here