Home Cultura Hopi hende a acudi pa charla interesante encuanto Mapanan historico di Aruba

Hopi hende a acudi pa charla interesante encuanto Mapanan historico di Aruba

14
0
SHARE
- Advertisement -

ORANJESTAD (AAN): Diahuebs cu a pasa na Biblioteca Nacional, a tuma lugar un charla interesante encuanto Mapanan historico di Aruba.

ing. Vi Frank, ex-director di Dienst Landmeetkunde en Vastgoedregistratie (DLV), a duna un charla tocante mapanan historico di Aruba, en especial e mapa di Werbata.

E topografo di Nederlands-Indië, Johannes Werbata, a worde treci Corsow na aña 1906 pa traha mapanan di e islanan di e tempo asina yama Nederlands-West-Indië.

Esun di Aruba ta traha di añanan 1909 te 1911 y publica na aña 1913.

Biblioteca Nacional Aruba, departamento Arubiana/Caribiana, a habri nan porta pa asina tur hende interesa pa sa un tiki mas tocante historia di Aruba, a scucha e charla.

Lourdes Des Croes, kende ta maneha Departamento Arubiana di Biblioteca Nacional, a keda satisfecho cu e reaccion di publico.

Ing. Vi Frank semper tabata un hende cu tabatin hopi interes den historia di Aruba y Caribe, y a profundiza su mes den mapanan di Aruba.  El a caba di cumpli 88 aña, pero cu conocemento amplio.  El  comparti su conocemento cu publico cu a acudi na e evento aki.  E cantidad di hende presente, a demostra cu Arubianonan tin interes pa sa mas di e isla, y no djis di awor, pero tambe di e historia.

- Advertisement -

DUNA COMENTARIO

Please enter your comment!
Please enter your name here