Home Gobierno Hues ta reafirma decision tuma pa Land Aruba pa proteha area di...

Hues ta reafirma decision tuma pa Land Aruba pa proteha area di Wetland

326
0
SHARE
- Advertisement -

ORANJESTAD (AAN): Den caso di e tereno erfpacht, otorga na aña 1989 na altura di The Mill Resort,  Hues ta reafirma e decision cu Land Aruba a tuma diamars merdia pa proteha tanto e habitat di shoconan como tambe e area di “wetland” cu ta pertenece na dicho tereno.

‘E tereno erfpacht a worde duna for di aña 1989 como parti di desaroyo di The Mill Resort. Na añanan 2008/2009 a pasa e ley Ruimtelijk Ontwikkelingsplan (ROP) cu den e maneho ta hinca e proteccion cu mester tin pa Wetlands y cierto areanan. Tin leynan tambe cu ta proteha e  mangrovenan tambe cu tin riba e tereno di e hotel.

Banda di e diferente aspectonan aki tambe a constata un cas di un pareha shoco riba e tereno den cual tin 4 shoco recien naci, cualnan tambe ta worde proteha pa ley. Nos a bishita elugar pasobra tabatin hopi conmosion na cierto momento di kico ta bay dilanti. Sea ta e erfpacht duna for di 1989 of e aspecto di ROP cu a bin despues.

E discusion ta uno huridico, y nos expertonan ta sali for di e punto di bista cu cierto momento bo tin un derecho como erfpacht, pero bo tin obligacion tambe como ciudadano pa respeta especienan cu ta protegi, manera e mangrove y shoconan,’ Minister Oduber a splica.

Diabierna awo lo tin reunion cu e desaroyadornan riba nan peticion algun tempo pasa, pa informa di e plannan y den cual lo haci suplica pa nan respeta mas cu ta posibel e areanan di naturalesa.

- Advertisement -

DUNA COMENTARIO

Please enter your comment!
Please enter your name here