Home Parlamento Huez a mustra cu gobierno anterior a viola principionan di bon gobernacion

Huez a mustra cu gobierno anterior a viola principionan di bon gobernacion

40
0
SHARE
- Advertisement -

Segun Rocco Tjon: IMF no a pidi Gobierno anterior pa yuda Gobierno actual

ORANJESTAD  (AAN): Diaranzon durante un conferencia di prensa di partido MEP, parlamentario Rocco Tjon a papia di bon gobernacion.

El a indica cu credibilidad ta un parti hopi importante di bon gobernacion.

Segun Tjon, e ex Prome Minister algun luna pasa tabata bisa cu MEP tabata hasi persecusion politico y cu e mes lo yuda esnan perhudica pa bay corte.

Pesey Tjon Diaranzon a papia riba e decision di huez, pa loke ta e casonan di corte entama pa coordinadornan di e Gobierno anterior.

El a indica cu locual ex Prome Minister Eman tabata hasi  ta cu net prome cu eleccion e tabata priminti tur hende trabao, gaña pasa un decision atravez di Ministerraad pa asina hendenan kere cu nan tin derecho riba un trabao, pa asina haya nan voto.

Awor a bin resulta cu e hendenan aki a keda sin derecho y huez a mustra riba esaki den su veredicto.

“E ex Prome Minister tabata sa esaki, pasobra e mes a hasi uso di esaki dia el a asumi e responsabilidad, pa kita hende for di trabao”.

Esaki segun Tjon, kende a indica cu den un otro sentencia rond di un trahador di DIMAS, e persona a perde su caso, pasobra e no tabata ambtenaar.

Segun e parlamentario, huez a mustra riba e hecho cu Gobierno anterior a actua contra principionan di bon gobernacion.

“Huez ta bisa cu tabata tin hendenan cu tabata cumpli cu tur e rekisitonan pa puestonan importante na DIMAS y cu Gobierno anterior a keda sin nombra nan, pa pone otronan na e puestonan aki”.

Esaki segun Tjon, kende a sigui bisa cu huez a bisa tambe cu ta obvio cu Gobierno anterior a tuma decisionnan dudoso premedita prome cu eleccion, pa frustra e siguiente gobernacion.

E actonan aki ta viola e principionan di bon gobernacion.

“Esey ta un motibo dicon nos den parlamento ta enfoca asina hopi riba integridad”.

Esaki segun Tjon, kende a sigui bisa cu ex minister encarga cu finanzas a haya un carta for di diferente instancia financiero cu consehonan pa nan cambia nan regimen financiero, pa no cay den problema.

Tjon a lesa un carta cu e minister ey a manda bek pa e instancianan pa bisa danki pa e consehonan y cu nan tin razon.

E parlamentario a indica tambe cu e ex minister di economia algun tempo atras a bisa cu IMF a pidi nan pa yuda Gobierno actual cu finanzas.

Diaranzon el a lesa for di un email cu el a haya bek for di IMF, ora cu el a manda puntra nan si ta berdad cu nan a pidi ministernan di Gobierno anterior pa yuda Gobierno actual cu un plan financiero.

Den e carta IMF a contesta Tjon cu esaki nunca tabata e caso, pues nan no a pidi Gobierno anterior pa yuda Gobierno actual cu un plan.

 

 

- Advertisement -

DUNA COMENTARIO

Please enter your comment!
Please enter your name here