Home Politica Husticia lo lanta un pais

Husticia lo lanta un pais

23
0
SHARE
- Advertisement -

ORANJESTAD   (AAN):   Partido Politico CURPA Cristiannan Uni Reforsando e Potencial di Aruba, despues di eleccion di 2017 a analisa e resultado di eleccion y a saca algun conclusionnan. Aruba a rechaza e partido Cristian cu tin Dios central den su maneho y a duna e mayoria na partidonan Tradicional cu a goberna Aruba pa e ultimo 30 añanan. Consecuentemente Aruba tin un gobierno di Coalicion cu mester goberna e pais aki pa e proximo 4 añanan. E resultado tabata duidelijk pa partido CURPA cu a haya 0.8% di e cantidad total di e pueblo votador.

E programa di gobernacion cu partido CURPA e trese dilanti durante eleccion tabata uno extenso riba tur area di gobernacion. Despues di eleccion nos por a ripara cu varios puntonan a ser copia y sigur esaki ta un satisfaccion pa partido CURPA cu e programa di gobernacion si a empacta e gobernantenan actual. E programa di gobernacion ta un programa bon balansa caminda tur e retonan di nos pais lo worde atende debidamente.

E tema di e articulo aki ta HUSTICIA LO LANTA UN PAIS, ta aki nan nos kier a para keto un rato y splica e concepto aki pa nos pueblo. Unda tin inhusticia nunca por tin progreso, pasobra e ta trece cu ne hopi amargura, hende nan rabia, falta di comprension, y esaki nan no ta contribui na un desaroyo positivo. Siendo ora cu tin husticia, gobernantenan husto e pueblo lo biba contento, hende nan contento lo produci mihor pa nos pais, creatividadnan lo aumenta. Asina nos por sigi cu tur e cosnan bon cu esaki ta trece cu ne. Ta esaki nan nos dushi pais Aruba mester.

Nos ta urgi e gobernantenan actual pa hasi husticia pa nos pais. Tene e personanan cu a crea e situacion financiero caotico di Aruba responsabel pa nan actonan, asina ta cuminsa pone husticia na Aruba. Despues duna ehempel interno djey por pasa busca e sosten na e pueblo cu lo mester kere den e gobierno cu ta gobernando.

No tin espacio mas pa patronage politico, fabornan politico, proyectonan corupto, placa bao mesa, deroche di placa, pero mas bien un maneho responsabel cu un meta fiho pa hasi Aruba un pais dushi pa nos tur biba riba dje. Partido CURPA ta keda para ariba cu HUSTICIA LO LANTA NOS PAIS ARUBA, Benjamin Francees di partido politico CURPA a duna di conoce.

 

 

- Advertisement -

DUNA COMENTARIO

Please enter your comment!
Please enter your name here