Home Comercio IDEA ta organiza workshop “Kidspreneur$ with BIG Ideas”

IDEA ta organiza workshop “Kidspreneur$ with BIG Ideas”

5
0
SHARE
- Advertisement -

ORANJESTAD   (AAN)- Iniciativa pa Desaroyo di Empresa Arubano (IDEA) como parti di e Ministerio di Finanzas Asuntonan Economico y Cultura conhuntamente cu Traimerdia ta organisando un proyecto pa e muchanan di 5-de y 6-de klas cu ta bishitando Traimerdia.

E nomber di e proyecto ta “Kidpreneur$ with BIG Ideas”, y lo cuminsa, 28 februari 2018. E proyecto ta uno cu lo dura dos aña y lo termina december 2019. Tambe tur 9 Traimerdia ta participa den e proyecto menciona.

E proyecto lo inicia diarason awo, 28 februari na “Traimerdia Dakota na Fatima College”. Esaki lo dura te diabierna, 20 april 2018.

E duracion di e programa na cada Traimerdia lo ta 6 siman. Lo bishita Cada Traimerdia 13 biaha, 2 biaha pa siman diarason y diabierna, y lo tuma luga entre 3:30 pm pa 4:30 pm.  Contenido di e proyecto na e prome Traimerdia lo ta entre otro: informacion con pa cuminsa un negoshi y con pa traha un plan di negoshi, pintamento ariba canvas, decoracion di boter, traha juice y snack saludabel, trahamento di armband y carchi y planta mata.

Actualmente tin 998 muchanan for di kleuter te cu 6 de klas cu ta bishitando e 9 Traimerdianan. Di e cantidad aki tin 312 muchanan den klas 5 y 6.

E proyecto lo ofrece e muchanan educacion empresarial y lo yudanan reconoce oportunidadnan comercial. E lo siña e muchanan con pa gana placa ya for di un edad hopi jong usando nan mesun creatividad. Pa asina stimula nan mesun negoshi un dia den futuro.

E intencion ta pa e muchanan haya oportunidad pa bende nan productonan durante un feria cu lo organisa durante e proyecto.

IDEA ta desea tur e mucha di Traimerdia hopi exito cu e bunita proyecto di: “Kidpreneur$ with BIG Ideas”.

- Advertisement -

DUNA COMENTARIO

Please enter your comment!
Please enter your name here