Home Policial Ilegal violando ley di droga a trata di huy di polis

Ilegal violando ley di droga a trata di huy di polis

115
0
SHARE
- Advertisement -

ORANJESTAD (AAN): — Durante cu Patruya Oranjestad tabata patruyando, nan a wak den skina di cura na altura di e cas di e conocido “P”  un grupo di choller ta huma nan “Pipanan di Base”.

Polisnan a baha y un di e hombernan a cana bay direccion panort. Patruya sigui tras di e homber pero ora el a nota cu polis ta su tras, e homber aki cu rugtas a dicidi di core bay cu velocidad y drenta Bolivia straat.

Pero el a laga atras e rugtas y slofnan.

E tipo a sigui core pasa den Nicaragua straat, West straat drenta Brazilie straat y a bay sconde tras di un auto. Di eynan el a sali na careda atrobe y isgui core na altura di Colombia straat .

Aki  el a bula den cura y sigui core bula e cura tras di e cas, riba un cura habri. El a sigui core drenta Colombia straat y el a topa un hanchi .

Aki el a trata di bula un porta di hero  basta halto. Pero polisnan a logra tene e homber na su carson. El a resisti fuerte cu su pianan den direccion di e polisnan. E agentenan no a entrega y nan a logra tene e tipo aki mesora.

A bin resulta cu e homber aki ta ilegal na Aruba y el a wordo deteni pa esaki. Den saco di carson di e detenido a bin descubri sker y pipabase, y e rugtas mes tabata yena cu herment.

E detenido a bisa polis cu e ta biba riba caya y e no tin manera pa biba. Patruya a hiba e detenido warda y e ta entrega na personal di I.A.S.A.

- Advertisement -

DUNA COMENTARIO

Please enter your comment!
Please enter your name here