Home Enseñanza Inscripcion pa e Estudio di Movimento y Salud na IPA ta cera...

Inscripcion pa e Estudio di Movimento y Salud na IPA ta cera dia 6 di maart

7
0
SHARE
- Advertisement -

ORANJESTAD (AAN): Durante aña academico 2018-2019 Instituto Pedagogico Arubano (IPA) ta ofrece e estudio di Movimento y Salud. E estudio aki ta forma maestro cu ta cualifica pa duna les riba tereno di movimento y salud na school primario. Alavez e estudio ta prepara maestro pa promove movimento y salud den nos comunidad. E estudio lo cuminsa na augustus 2018 y tin un duracion di 4 aña.

Awe Diamars dia 6 di maart 2018, IPA ta tene un anochi di informacion na unda lo splica kico e estudio ta encera y kico ta e rekisitonan di admision pa por aplica. Alavez lo elabora riba contenido y sequencia di e testnan di admission y preparacion necesario pa por studia na IPA. Tur persona cu ta interesa ta bonbini na e anochi di informacion cu lo cuminsa pa 7or di anochi den Sala Madonna di IPA (Isaac Wagemakerstraat 11, San Nicolas).

Tur persona cu ta interesa pa haci e estudio di Movimento y Salud por pasa na Studenten Services di IPA entre 8or di mainta cu 12or di merdia y entre 1or cu 3.30 di atardi pa inscribi. Pa por inscribi na IPA mester trece e papel di registro civil (papel di AWG 5,-), si a gradua caba copia di diploma di sea HAVO, VWO of MBO nivel 4. E gastonan di inscripcion ta AWG 75,-.

E ultimo fecha pa inscribi ta dia 6 di maart pa motibo di varios test di admision cu e interesado mester cumpli cu ne. Despues di e fecha aki no por inscribi mas pa aña academico 2018-2019. Pa mas informacion por tuma contacto cu Studenten Services na 524-3100 of por bishita nos pagina di facebook ‘Instituto Pedagogico Arubano’ of nos website www.ipaaruba.com.

- Advertisement -

DUNA COMENTARIO

Please enter your comment!
Please enter your name here