Home Deporte Instructor Rudy Josepha di Corsow, dunando lectura na cursistanan pa measurement course...

Instructor Rudy Josepha di Corsow, dunando lectura na cursistanan pa measurement course como tambe e electronic timing

12
0
SHARE
- Advertisement -

ORANJESTAD (AAN)-  Den luna di November 2017, Aruba Athletic Federation a organisa un entrenamento di 6 dia unda e cursistanan mester a hinca den otro un road measurement y un parti di Electronic Timing ET.

E curso a carga e nomber di AAF Technical Lab “I RUN CLEAN” Trainings Camp 2017 y a wordo atendi pa mas di 50 atleta mas 6 coach di atletismo. A bin cu dos experto di exterior unda nan a duna diferente lectura, entrenamento y presentacion riba e disciplinanan di atletismo y a ofrece cierto workout y seccionnan tecnico na nos dirigente y entrenadornan.

Mirando e exito di e curso, e siman aki Aruba Athletic Federation a bolbe trece un experto for di nos hermana isla di Corsow den persona di Sr. Rudy Josepha kende ta Vice President di CAB y alabes un instructor experto den e deporte aki.

Mester bisa cu Sr. Josepha a bin specialmente pa duna e measurement course cu ta pa e 10km y 21km Half Marathon riba caminda mientras lo pone extra atencion na e electronic timing pa e track den stadion cu ta consisti di un parti teoretico y praktico combina cu dos dia di tesis forma pa e seleccion di Aruba di atletismo cu lo participa na e di 47th Carifta na Nassau, Bahamas otro luna.

E Electronic Timing por wordo usa pa competencianan di AAF pero tambe ora di Deporte Escolar. Un total di 8 participante ta tumando e curso aki y ta spera di por pasa esaki cu exito pa asina por traha cu e ekiponan pa ora di asisti na caredanan di 10 kilometer como tambe Half Marathon

 

Un danki sigur na Lotto, e Loteria di Aruba pa medio di Stichting Sportsubsidie Aruba cu a yuda subisdia e measurement course y eletronic timing organisa pa e federacion di atletismo Arubano, A.A.F.

 

- Advertisement -

DUNA COMENTARIO

Please enter your comment!
Please enter your name here