Home Deporte Jeandry Mathilda a clasifica pa e Weganan Centro Americano y Del Caribe...

Jeandry Mathilda a clasifica pa e Weganan Centro Americano y Del Caribe Barranquilla 2018

10
0
SHARE
- Advertisement -

ORANJESTAD (AAN)- Despues di a biaha pa Cuba pa e clasificacion pa e Weganan Centro Americano y Del Caribe Barranquilla 2018 cu lo tuma lugar den luna di juli/augustus na Colombia, e atletanan Jeandry Mathilda, Jean Claude Hoek, Jonatan Paredes y ChingHo Chung tabata tin e dificil tarea di enfreta e mihonan di Caribe pa asina logra gana e derecho di representa Aruba na e weganan di mas importante pa nos pais.

Mester bisa cu e atleta Jeandry Mathilda a termina na un di tres lugar den e poule di 32 hungador y asina logra su clasificacion pa e Weganan Centro Americano y Del Caribe Barranquilla 2018.

E hoben Mathilda a logra yega den e ultimo cuaternan esta e semi-final cual ya a dune e derecho di clasificacion.Mester bisa cu Chingho Chung a sali di 5 lugar den e clasificacion individual y ta e reserva si un clasificado cai afo, e lo haya e oportunidad di bai.

Esaki sigur ta un tremendo noticia pa e deporte di tennis di mesa y pa Aruba completo.

Aki nos por mira cu e deporte di tennis di mes a ta den bon direccion mientras nos atletanan ta duna bataya y logra nan obhetivonan poni.Masha pabien na Jeandry Mathilda, ChingHo Chung y staf di coachnan y Aruba Table Tennis pa e tremendo logro aki.

Un danki sigur na Lotto, e Loteria di Aruba pa medio di Stichting Sportsubsidie Aruba cu a subsidia e biahe di e delegacion di tenis di mesa pa e clasificacion Weganan CAC na Havana Cuba.

- Advertisement -

DUNA COMENTARIO

Please enter your comment!
Please enter your name here