ORANJESTAD (AAN): Diaranzon anochi a tuma lugar e reconocimento na un artista local dilanti Bestuurskantoor. Jeon a yega cu limousine acompaña pa minister Xiomara Maduro y a desfila den e “red carpet” meymey di un cantidad grandi di hende cu tabata sperando su aparicion.
Recientemente Jonathan Thiel a saca un cantica esta “Machika” caminda cu el a perform esaki hunto cu e artista colombiano reconoci internacionalmente J. Balvin y cu awor ta un exito mundial.
Ta un gran honor pa Aruba cu un artista local a yega asina leu di canta cu artista nan internacional y a dune un plakaat pa su gran logro y a nombre “Embahador di Bon Boluntad”.
Minister Maduro y Minister President Evelyn Wever-Croes a hiba algun palabra di gradicimento cu e gran sosten na nos artista cu ta un yiu di tera.
Ki berguenza: nos tabata un pais di hendenan cu norma y balor: nos a bende nos libertad pa libertinahe: un cantica cu no tin nada di haber cu nos, ta hasi hende sabi bira bobo. Normen en waarden. No tin. Y ora e sobra hubentud comporta su mes na manera baho y escandaloso, no yora bisa cu ta e mayornan por yiuda: esnan cu ta dirihi un pais ta RESPONSABEL pa EDUCA y GUIA y si nan no por educa y guia, unda nos ta bai. Nos ta den CUARESMA pero, ken ta preocupa cu Cristo ta muri pa salba pecador. Nos no ta un isla di Dios mas. Y despues e mesun ministernan ta bai aparenta den Misa …………..djies corda e dia aki……….