ORANJESTAD (AAN): No tin palabra pa describi loke cu Jonathan Thiel, conoci como Jeon a haci y ta haciendo pa su pais y loke mas a resalta ta, cu artistanan di taya mundial a acerk’e caba cu hopi animo pa e por traha cu nan. Sea como productor of como cantante. Esaki ta loke a pasa den e caso di Nikki Jam y Gloria Trevi.
Aruba completo por a mira e exito grandi, cu a ricibi un disco di Platino, mirando e calidad y grandura di e exito. 80 mil views riba Youtube ta algo sumamente grandi, pa nos artista internacional, kende a wordo ricibi cu tur honor mereci na aeropuerto ayera, na momento cu el a yega Aruba.
E noticia di mas great cu Aruba por haya cu Jeon ta un artista independiente. A haci un deal solamente pa Machika. Esaki ta un logro grandi, pa ta te eynan, como independiente, ta casi imposibel. Ta algo cu a pasa pa prome biaha na mundo. E ta sinti hopi bon pa djis ta di Aruba y ta haci muziek y ningun hende no tin nada di bis’e con pa haci su muziek.
Jeon a caba di graba ecantica “X” cu Nicky Jam y awor e ta produciendo e cantica nobo di Gloria Trevi, manera ya menciona caba. E lo tin cu bula bay bek Merca pa haci grabacion. E ta trahando cu artistanan basta grandi y veterano cu ta legendario, manera Gloria Trevi mes.
E ta haciendo yen di otro proyecto grandi cu lo bay habri porta y caminda. Mas importante ta humildad. Backstage, manera cu minister Oduber a experencia, tur hende ta stim’e backstage, pa ken e ta. Pa ta su mes y pa ta humilde. Ta pa hend’i mondi cu no ta worry cu nada. Tur hende ta gust’e pa ta su mes.
